“Tanket fluturues” kanë mbërritur në Beograd. Bëhet fjalë për 11 helikopterë të rinj rusë Mi-35, të cilët Serbia i ka marrë së fundmi nga Qipro, një vend anëtar i Bashkimit Europian.
Raportohet se helikopterët e luftës, shumë të fuqishëm, janë transportuar pak ditë më parë përmes avionit më të madh të prodhuar në seri, Antonov AN-124, që u nis nga një bazë ushtarake në Qipro dhe u ul në bazën ushtarake serbe të Batajnicës.
Mediat raportojnë se Serbia ka blerë gjithashtu edhe katër helikopterë të tjerë të fuqishëm që ndodhen në Rostov të Rusisë, por dorëzimi i tyre është aktualisht i pamundur. Presidenti Aleksandër Vuçiç, duke folur për helikopterët Mi-35, ka thënë se ata “kanë një tingull ogurzi për armiqtë”.
Nuk është ende e qartë nëse Bashkimi Europian është në dijeni të këtij veprimi nga Qiproja dhe as qëndrimi i Brukselit për këtë zhvillim. Ekspertët ushtarakë theksojnë se “vendimi për shitjen e helikopterëve është marrë për shkak të pamundësisë për mirëmbajtje normale të tyre pas vendosjes së sanksioneve të BE-së për bashkëpunimin ushtarako-teknik me Rusinë në 2014”. Qiproja i kishte blerë “tanket fluturues” nga Moska në vitin 2001.
Prezantimi i tyre bëhet në të njëjtën kohë kur presidenti qipriot, Nikos Kristodulis, po zhvillon një vizitë në Serbi.
Irani ka lëshuar raketa balistike drejt bazave ushtarake amerikane në Kuvajt dhe Bahrejn, pasi Shtetet…
Në rrjetet sociale kanë nisur të qarkullojnë video të prodhuara me inteligjencë artificiale, në stilin…
Izraeli vendosi fshehurazi njësi elitare ushtarake dhe të inteligjencës në Azerbajxhan gjatë luftës me Iranin,…
Ish-ambasadori amerikan në Kosovë, Jeff Hovenier, ka deklaruar se administrata e presidentit Donald Trump ka…
Kryeministri Edi Rama ka deklaruar në një intervistë për Euronews se protestat kundër projektit të…
Gjashtë shtetas shqiptarë të shpallur në kërkim ndërkombëtar janë ekstraduar nga Emiratet e Bashkuara Arabe…