Tensione mes Osmanit dhe Kurtit? Pamje nga diskutimi i tyre sot në Kuvend

Presidentja e Kosovës, Vjosa Osmani dhe kryeministri Albin Kurti sot kanë pasur një diskutim në Kuvendin e Kosovës.

Nga ajo që ka kapur kamera e KosovaPress-it, Osmani dhe Kurti janë parë si të tensionuar gjatë këtij diskutimi.

Madje edhe gjuha e tyre trupore duket sikur e konfirmon se mes tyre mund të ketë pasur tension ose mospajtim për ndonjë çështje të caktuar.

Gjithçka ndodhi në takimin Këshillit për Demokraci dhe të Drejta të Njeriut.

E pyetur për këtë pas përfundimit të takimit të Këshillit për Demokraci dhe të Drejta të Njeriut, Osmani tha se diskutimi ka qenë për zgjedhjet e përgjithshme.

“Për ligjin për zgjedhjet e përgjithshme dhe çështjen e përqindjes së grave në lista. Kështu që është përpjekje e vazhdueshme”, tha presidentja e Kosovës, Vjosa Osmani.