Një gjykatë në Pakistan ka dënuar me 7 vite burg ish-kryeministrin Imran Khan dhe bashkëshorten e tij pasi u anuloi martesën që e konsideroi të paligjshme.
Kjo është goditja e radhës për Khan, i cili më parë u shpall fajtor për korrupsion ndërsa të mërkurën e kaluar u dënua edhe për shitjen e dhuratave shtetërore që kishte marrë gjatë kohës që ishte në krye të qeverisë.
Gjykata vendosi se martesa e Khanit në vitin 2018 me Bushra Bibin, një shëruese shpirtërore, ishte jo myslimane dhe e paligjshme. Vetë 71-vjeçari thotë se akuzat dhe dënimet kundër tij janë të motivuara politikisht.
Ish-ylli i kriketit u shkarkua si kryeministër në vitin 2022 dhe që prej atëherë nisi edhe tatëpjeta e karrierës së tij politike.
Vendimi erdhi pas akuzave të ngritura në gjykatë nga ish-bashkëshorti i Bibit, i cili tha se martesa me Khan ishte e paligjshme, pasi sipas ligjeve të islamit një grua nuk mund të martohet sërish disa muaj pasi është ndarë apo i ka vdekur bashkëshorti. Gjykata zbuloi se martesa e saj me Khan kishte ndodhur para kalimit të këtij afati.
Khan dhe Bibi u martuan në vitin 2018, pak muaj para se ai të bëhej kryeministër. Ajo mban gjithmonë një vello që i mbulon fytyrën gjatë daljeve në publik dhe besohet se është rreth të dyzetave.
Khan, i cili gjatë kohës që luante kriket kishte reputacion prej “playboy”, ka qenë i martuar edhe dy herë të tjera më parë.
Irani ka lëshuar raketa balistike drejt bazave ushtarake amerikane në Kuvajt dhe Bahrejn, pasi Shtetet…
Në rrjetet sociale kanë nisur të qarkullojnë video të prodhuara me inteligjencë artificiale, në stilin…
Izraeli vendosi fshehurazi njësi elitare ushtarake dhe të inteligjencës në Azerbajxhan gjatë luftës me Iranin,…
Ish-ambasadori amerikan në Kosovë, Jeff Hovenier, ka deklaruar se administrata e presidentit Donald Trump ka…
Kryeministri Edi Rama ka deklaruar në një intervistë për Euronews se protestat kundër projektit të…
Gjashtë shtetas shqiptarë të shpallur në kërkim ndërkombëtar janë ekstraduar nga Emiratet e Bashkuara Arabe…