Tragjedia në Greqi, shkoi për t’i kërkuar paratë që kishte punuar me djersë, shqiptari u gjet i mbytur me litar në një rrugë të shkretë

Detaje të reja tronditëse kanë dalë në lidhje me vrasjen tragjike të sipërmarrësit shqiptar në Greqi.

Xhani Topallli u gjet sot i pajetë në një rrugë të shkretë në ishullin e Rodos, gjysmë i veshur dhe me litar në fyt.

Sipërmarrësi 46-vjeçar ishte i zhdukur që prej 28 gushtit. Ai kishte organizuar një takim pune me pronarin e një hoteli në Greqi, i cili i detyrohej shqiptarit 30 mijë euro nga puna që Topalli kishte bërë për objektin e hotelerisë, shkruan protothema.gr.

Por mesa duket greku nuk ka dashur t’i japë shqiptarit lekët që i takonin, e për këtë arsye e ka vrarë me litar dhe në bashkëpunim me të birin, ka transportuar kufomën për të humbur gjurmë.

Por mëngjesin e sotëm autori nuk ka mundur ta mbajë më të fshehtë krimin, të cilin e rrëfeu në komisariat, duke zbuluar edhe vendndodhjen e trupit të pajetë, të Xhani Topallit, baba i tre fëmijëve.

Sakaq autoritete greke besojnë se në vrasjen e shqiptarit janë përfshirë edhe persona tjerë, përveç 53-vjeçarit dhe të birit të tij, pasi mendohet se shqiptari nuk ishte paguar për punën e tij edhe nga biznesmenë tjerë.

Ndërsa është e paqartë nëse autori i detyrohej shqiptari shumën e 30 mijë eurove që mediet greke publikuan sot.