Morën vesh se toka e Shqipërisë po pësonte një dridhje të madhe dhe dy shqiptarë që jetojnë në Zvicër, njëri i Kosovës, Blerim Musolli, dhe tjetri i Maqedonisë së Veriut, Arsim Tahiri, vendosën, pa e menduar dy herë, të shkonin në vend të ngjarjes dhe të ofronin ndihmën e tyre, në operacionet e kërkim-shpëtimit.
Nga rrënojat e lëna në Durrës, pas tërmetit të fuqishëm me magnidutë 6.4 ballë të Rihterit, për “BalkanWeb” ata thonë se se kur bëhet fjalë për shqiptarët, s’ka fare lidhje nëse ata jetojnë në Kosovë, Shqipëri, Maqedoni apo diku tjetër, por duhet të bashkohen për të dhënë kontribut.
Musolli tha: “E lexova lajmin që kishte një dridhje të madhe. Vendosa për të ardhur deri të dielën, ndërsa shokët do rrinë më shumë”.
Ndërsa Tahiri tha: “Kur bëhet pyetja për shqiptarët, s’ka lidhje ku jetojnë, në Kosovë, Shqipëri, Maqedoni. Menduam se duhet të vinim të ndihmonim vëllezërit tanë. E pamë në televizor dhe vendosëm të vinim”.
Musolli ndërkaq tha se do të qëndrojë deri të dielën në Shqipëri, kurse tregoi se me ta ka ardhur edhe një shok tjetër i tyre, i cili, bashkë me Tahirin, do të qëndrojnë atje derisa të qetësohet gjendja.
Izraeli vendosi fshehurazi njësi elitare ushtarake dhe të inteligjencës në Azerbajxhan gjatë luftës me Iranin,…
Ish-ambasadori amerikan në Kosovë, Jeff Hovenier, ka deklaruar se administrata e presidentit Donald Trump ka…
Kryeministri Edi Rama ka deklaruar në një intervistë për Euronews se protestat kundër projektit të…
Gjashtë shtetas shqiptarë të shpallur në kërkim ndërkombëtar janë ekstraduar nga Emiratet e Bashkuara Arabe…
Kryetari i Mitrovicës së Veriut, Milan Radojeviç, të premten është shoqëruar në Policinë e Kosovës,…
Një pamje gjithnjë e më e zakonshme në ujërat e Gjirit të Orikumit është shfaqja…