Rudina Gërdani është edukatorja 46-vjeçare e cila ka dhunuar disa herë vogëlushin 3-vjeçar në kopshtin privat “Gledis” në zonën e Astirit.
Nga pamjet e publikuara nga EuroNews shihet një rast kur edukatorja Rudina Gërdani fillimisht i bën një foto për ta publikuar në rrjetin social të kopshtit dhe më pas e godet me shuplakë. Por kjo nuk është hera e parë teksa në një tjetër video djali goditet nga pas koke po nga edukatorja.
Gërdani është denoncuar në polici nga babai i 3-vjeçarit, i cili dëshmoi për dhunë të përsëritur ndaj djalit të tij. I ftuar në emisionin “People” Lorenc Rrapa, babai i 3-vjeçarit Priam, ka treguar se djalit i kanë gjetur shenja dhe krahë dhe vetë ai ka treguar se e ka kapur edukatorja.
“Momenti i fillimit ka qenë data 20. Kur u nisëm për të çuar Priamin në kopsht ai nuk pranoi. Unë vendosa ta bëja ditën pushim që të qëndronim me familjen. Në darkë kur nusja i bëri dush Priamit dhe shikon të krahu i majtë ishte pak i nxirë. Ai i tha “mos e prek vetëm puçe, më ka kapur Rudi”. Unë e dëgjova dhe e pyeta prapë kush e kishte kapur ai më tha prapë Rudi. Ai po bënte rreth 3 muaj atje. Më herët unë kam qenë në punë dhe nuk kam vënë re shenja dhunë më parë. Mendoja se e kisha lënë djalin të qetë në kopsht”, tha Lorenc Rrapa.
Lorenc Rrapa tregon se pas disa momentesh i është rikthyer dhe njëherë bisedës me djalin e tij të vogël duke e pytetur përsëri për shenjën që Priami kishte në krahë. Në deklatarën e tij, Lorenci tregon se teksa ka parë kamerat e kopshtit, ka konstatuar se Priami nuk i vetmi fëmijë i dhunuar.
“I thash ‘Priam të lutem më trego çfarë ka ndodhur’ më tha, ‘Më kapi Rudi. Unë i thash puçe Priamin, Rudi më tërhoqi te dora fort’. Unë u bëra nervoz, telefonova pronarin dhe drejtoreshën. U dërgova një mesazh ‘Shpresoj mos të jetë e vërtet çfarë ka nbdodhur me Priamin, ai ndihet i dhunuar thotë më ka goditur Rudina’. Më tha ‘Shpresoj mos të jetë e vërtetë, po do shikojmë kamerat.
Të nesërmen kur shkuam në kopësht, Priami nuk pranoi të futej brenda, shkuam në një lokal dhe pamë kamerat. Aty konstatova dhunën. Brenda një afati kohor rreth 2 orë e 30 fëmijë janë dhunuar 2 fëmijë. Gjatë vëzhgimit të kamerave kam parë tre momente dhune.”
Rudina Gërdani tashmë është shpallur në kërkim nga policia dhe se është pezulluar menjëherë nga puna nga pronari i kopshtit “Gledis” në Astir.
“Specialistët për Hetimin e Krimeve të Komisariatit të Policisë Nr. 6 referuan materialet në Prokurori dhe po punojnë për kapjen e shtetases R. G., 46 vjeçe, pasi ka kallëzuar një shtetas, se shtetasja R. G. ka keqtrajtuar djalin e tij të mitur, në kopshtin ku ajo punon si edukatore”, ka njoftuar policia.
Izraeli vendosi fshehurazi njësi elitare ushtarake dhe të inteligjencës në Azerbajxhan gjatë luftës me Iranin,…
Ish-ambasadori amerikan në Kosovë, Jeff Hovenier, ka deklaruar se administrata e presidentit Donald Trump ka…
Kryeministri Edi Rama ka deklaruar në një intervistë për Euronews se protestat kundër projektit të…
Gjashtë shtetas shqiptarë të shpallur në kërkim ndërkombëtar janë ekstraduar nga Emiratet e Bashkuara Arabe…
Kryetari i Mitrovicës së Veriut, Milan Radojeviç, të premten është shoqëruar në Policinë e Kosovës,…
Një pamje gjithnjë e më e zakonshme në ujërat e Gjirit të Orikumit është shfaqja…