Presidenti amerikan Donald Trump kërcënoi se do të vendosë sanksione ndaj Rusisë pas takimit të tij me presidentin ukrainas Volodymyr Zelensky të shtunën.
Nuk ka asnjë arsye që presidenti rus Vladimir Putin “të gjuajë raketa në zona civile, qytete dhe qyteza, gjatë ditëve të fundit”, shkroi Trump në platformën e tij “Truth Social”.
“Më bën të mendoj se mbase ai nuk dëshiron ta ndalë luftën, ai thjesht po më mashtron mua dhe duhet të trajtohet ndryshe, përmes ‘bankareve’ apo ‘sanksioneve dytësore?’ Shumë njerëz po vdesin!!!” vazhdoi ai.
Komentet e tij vijnë pasi Uashingtoni ushtron presion mbi Ukrainën për të pranuar një marrëveshje për t’i dhënë fund luftës që do të përfshinte lëshime të mëdha, financiarisht dhe territorialisht, dhe ndërsa Moska vazhdon të bombardojë fqinjin e saj pavarësisht thirrjeve të deklaruara për paqe.
