Presidenti amerikan Donald Trump, për herë të parë, konfirmoi se në vitin 2018, Shtetet e Bashkuara kryen një sulm të fshehtë kibernetik ndaj Agjencisë Ruse të Kërkimit të Internetit.
Ai akuzon Agjencinë e Kërkimit të Internetit në Sh.B.A-në për ofrimin e ndihmës për të lehtësuar ndërhyrjen e supozuar të Rusisë në zgjedhjet presidenciale të SHBA 2016 dhe zgjedhjet e SHBA.
Në një intervistë për Washington Post, kur u pyet nëse nisi një sulm në internet ndaj asaj agjencie, u përgjigj se kjo ishte e vërtetë, tha gazetari që kreu atë intervistë, Mark Thiessen, raporton CNN.
Ai shtoi se sulmi kibernetik ishte pjesë e një politike më të gjerë të kundërshtimit të Rusisë.
“Askush nuk ka qenë më i ashpër mbi Rusinë se unë”, theksoi Trump.
Trump: Obama nuk bëri asgjë
Trump pretendon se në vitin 2016, Presidenti i atëhershëm i SHBA Barack Obama, para zgjedhjeve, e dinte që Rusia po përdorte metoda të ndryshme, por nuk tha asgjë, sepse ai mendonte se kandidatja Hillary Clinton do të fitonte zgjedhjet presidenciale.
Trump tha se, ndryshe nga paraardhësi i tij, ai veproi në përputhje me inteligjencën amerikane për përfshirjen e supozuar të Rusisë, duke nisur një sulm kibernetik.
“Shikoni, ne e ndalëm atë”, tha Trump.
CNN kujton se Obama njoftoi sanksione kundër Rusisë në vitin 2016 dhe dëboi disa diplomatë rusë në shenjë hakmarrjeje për ndërhyrjen e pretenduar të Rusisë në zgjedhjet presidenciale amerikane.
