Presidenti amerikan Donald Trump tha të hënën se liderët botërorë i kanë kërkuar atij ndihmë rreth presidentit të Turqisë, Recep Tayyip Erdogan, pasi siç tha, lideri turk do ta dëgjonte vetëm atë.
“Krerët e shteteve javën e kaluar më thirrën dhe më thanë: “A mund të bisedosh me Erdoganin?”, tha Trump të hënën në një intervistë me Fox News.
Trump shpjegoi se ai u kishte thënë atyre se pse pikërisht ai do të duhej të fliste me presidentin turk, dhe ata sipas Trumpit u përgjigjën: “Ti je i vetmi të cilin ai e dëgjon. Ai nuk na dëgjon ne. Ti je i vetmi që të dëgjon”.
“U thash, “a është kjo për shkak të Shteteve të Bashkuara?” Ai më tha: “Jo, është për shkakun tënd. Për shkak të personalitetit tënd. Ti je i vetmi të cilin ai do ta dëgjonte”, tha Trump.
Nuk është e qartë cilët lider apo cili lider i është referuar Trump në bisedën telefonike, por thirrja erdhi pas konflikteve në Mesdhe ku u përfshinë disa aleatë amerikanë, përfshirë Turqinë, Greqinë, Francën dhe Egjiptin.
Shtëpia e Bardhë njoftoi të dielën se Trump bisedoi me presidentin francez Emmanuel Macron, duke treguar se liderët “u pajtuan që Greqia dhe Turqia duhet të dialogojnë për zgjidhjen e kundërshtive”.
Ish-ambasadori amerikan në Kosovë, Jeff Hovenier, ka deklaruar se administrata e presidentit Donald Trump ka…
Kryeministri Edi Rama ka deklaruar në një intervistë për Euronews se protestat kundër projektit të…
Gjashtë shtetas shqiptarë të shpallur në kërkim ndërkombëtar janë ekstraduar nga Emiratet e Bashkuara Arabe…
Kryetari i Mitrovicës së Veriut, Milan Radojeviç, të premten është shoqëruar në Policinë e Kosovës,…
Një pamje gjithnjë e më e zakonshme në ujërat e Gjirit të Orikumit është shfaqja…
Kryeministri britanik Sir Keir Starmer ka akuzuar miliarderin e teknologjisë Elon Musk se po përpiqet…