Uji i shenjtë i kontaminuar me dezinfektantë, i porsalinduri në spital pas pagëzimit

Pagëzimi i një foshnje mund të ishte kthyer në një tragjedi në një kishë në Villafranca Tirrena , një komunë në provincën e Mesinës.

Kumbari i fëmijës rastësisht preku atë që mendohej se duhet të ishte ujë i shenjtë, por burri ndjeu një djegie të fortë në duar dhe arriti të ndalonte në kohë priftin.

Lëngu rezultoi të ishte një dezinfektues potencialisht i dëmshëm i përdorur si tretës për pastrimin e dyshemesë. Disa pika të tij prekën foshnjën, e cila u dërgua në spital, por për fat të mirë nuk pësoi dëmtime të rënda.

Siç raportohet nga La Gazzetta del Sud, autoritetet kanë nisur një hetim për ngjarjen, e cila paraprakisht nuk mendohet të ketë qenë e qëllimshme, por thjesht një gabim.

Sipas raportimeve një shërbyer në altar gjeti një shishe pothuajse të zbrazët në banjë, të cilën e mbushi me ujë dhe e çoi në vaskën e pagëzimit.

Fëmija është mirë dhe prindërit kanë vendosur të mos bëjnë padi.