Shefi i administratës ushtarake në Kharkiv konfirmoi për BBC se katër vendbanime janë çliruar sërish.
Oleg Sinegubov tha se ushtarët ukrainas rifituan kontrollin e plotë mbi Kutuzovka, Verkhina Rohanka, Slobidsky dhe Prelensky.
“Në Kutuzovka, rreth njëqind njerëz, kryesisht pleq dhe fëmijë, jetuan në bodrume të ftohta pa dritë, gaz dhe ushqim për dy muaj,” tha Sinegubov.
“Sot mbrojtësit tanë u pritën me lot”, shtoi ai.
Por ndërsa situata për njerëzit në ato rajone është përmirësuar disi, granatimet kanë vazhduar, tha ai.
