Ushtria ukrainase thotë se ka shkatërruar një tjetër urë që është jetike për forcat pushtuese ruse në rajonin jugor të Khersonit. Ukrainasit njoftuan se ura në Nova Kakhovka tani është e pakalueshme pas goditjes me raketa të ndodhura sëfundmi. Ky sulm vjen vetëm disa javë pasi ura kryesore Antonivsky u shkatërrua nga forcat ukrainase.
Ukraina po zhvillon një kundërofensivë ndaj qytetit Kherson, të cilin Rusia e pushtoi në ditët e para të luftës. “U sigurua shkatërrimi i urës rrugore të digës Nova Kakhovka, ajo u nxorr jashtë funksionit,” tha në Facebook Komanda Operative e Ushtrisë Ukrainase për Jugun, raporton abcnews.al.
Në një përditësim të inteligjencës, zyrtarët e mbrojtjes në Mbretërinë e Bashkuar thanë se sulmet ukrainase ka të ngjarë ta kenë bërë kalimin rrugor mbi lumin Dnieper “të papërdorshëm për automjetet e rënda ushtarake”. Nova Kakhovka shtrihet rreth 55 km (34 milje) në veri-lindje të Khersonit.
Forcat ruse kishin arritur vetëm të bënin riparime sipërfaqësore në urën kryesore Antonivsky, thanë zyrtarët, për të cilën burimet ushtarake perëndimore thanë se ishte “plotësisht e papërdorshme” pas një sulmi me raketa HIMARS muajin e kaluar.
Kryeministri britanik Sir Keir Starmer ka akuzuar miliarderin e teknologjisë Elon Musk se po përpiqet…
Ish deputeti i PD, Edmond Spaho ka reaguar ashpër për protestën kundër investimit në Zvërnec,…
Presidenti serb Aleksandar Vuçiç ka konfirmuar se do të marrë pjesë në samitin BE–Ballkani Perëndimor…
Katy Perry do të jetë njëra prej këngëtareve kryesore që do të përformojë në Festivalin…
Një efektiv i Policisë së Shtetit u vra dhe një tjetër u plagos gjatë një…
Autori i vrasjes së një polici dhe plagosjes së një efektivi tjetër mëngjesin e sotëm…