Ushtria serbe nuk pranon të dalë kundër protestuesve në Nish

Kryetari i sindikatës Sloga në Ministrinë e Mbrojtjes dhe Forcat e Armatosura, Dejan Pavlović ka konfirmuar për Nova.rs se sipas të dhënave jozyrtare, Brigada e 63-të Parashutë e Ushtrisë serbe mbrëmë nuk pranoi të angazhohej në demonstratat në Nish.

“Sipas të dhënave jozyrtarë të marra nga sindikata Sloga në Forcat e Armatosura, Ministri i Mbrojtjes, Aleksandar Vulin, dëshironte të punësonte anëtarët e Brigadës së 63-të të Parashutës sepse Ministria e Brendshme nuk kishte njerëz të mjaftueshëm në Nish”, shkruan Nova.rs, transmeton Indeksonline.

“Anëtarët e Xhandarmërisë shkuan në Beograd dhe më pas iu kërkua ndihma e Forcave të Armatosura, por anëtarët e Brigadës së 63-të të Parashutave nuk pranuan“, thotë Pavlović.

Ai dënoi deklaratën e Ministrit të Mbrojtjes, Aleksandar Vulin, se forca duhet t’i përgjigjet me forcë.

“Deklarata e tij po e shtyn Serbinë në një luftë civile. Populli është pjesë e ushtrisë dhe ushtria është pjesë e popullit dhe nuk do të shërbejë në dëbimin e vullnetit politik të dikujt. Unë u bëj thirrje edhe një herë të gjithë anëtarëve të Ushtrisë Serbe që të refuzojnë një urdhër të tillë, për të marrë pjesë kundër demonstratës. Kushtetuta e Republikës së Serbisë përcakton qartë rolin e Forcave të Armatosura, si dhe kompetencat e saj. Dhe Kushtetuta e Serbisë është ekskluzive dhe thotë se Ushtria shërben për të mbrojtur shtetin nga një armik i jashtëm“, thotë Pavlović për Nova.rs.