Vendimi i Netanyahut do të zemëroj Putinin: Izraeli po konsideron dërgimin e sistemin të mbrojtjes ajrore ‘Iron Dome’ në Ukrainë

Kryeministri izraelit Benjamin Netanyahu tha të mërkurën e 31 janarit se vendi i tij po shqyrtonte ndihmën ushtarake për Ukrainën, ndërsa ofroi të ndërmjetësonte në konfliktin midis Kievit dhe Moskës.

“Epo, unë patjetër po e shqyrtoj”, tha kryeministri në një intervistë për kanalin amerikan CNN, kur u pyet nëse Izraeli po planifikonte t’i ofronte ndihmë Ukrainës, si sistemi i tij i mbrojtjes ajrore Iron Dome.

Benjamin Netanyahu deri më tani është përmbajtur të marrë një anë të fortë me Ukrainën, në ankth për të kursyer Rusinë, e cila kontrollon hapësirën ajrore të Sirisë fqinje me Izraelin dhe zakonisht mbyll një sy ndaj operacioneve të shtetit hebre kundër Iranit.

Ai konfirmoi se Shtetet e Bashkuara kishin transferuar në Ukrainë municione artilerie që ishin ruajtur më parë në Izrael dhe sugjeroi se shteti hebre po vepronte në anën e tij për të penguar prodhimin në Iran të armëve për Rusinë.

“Shtetet e Bashkuara sapo morën një pjesë të madhe municionesh nga Izraeli dhe ia kaluan Ukrainës. Izraeli gjithashtu po vepron, sinqerisht, në mënyra që nuk do t’i detajoj këtu, kundër prodhimit të armëve të Iranit që po përdoret kundër Ukrainës”, tha kryeministri.

Zyrtarët ukrainas dhe perëndimorë akuzojnë Iranin për furnizimin me dronë të Rusisë për pushtimin e Ukrainës, gjë që Teherani e mohon.

Benjamin Netanyahu tha se atij iu kërkua të vepronte si një ndërmjetës jozyrtar pasi Rusia pushtoi Ukrainën në shkurt të vitit të kaluar, por nuk e vazhdoi këtë veprim, sepse ai atëherë ishte në opozitë.

Ai shtoi se ishte i gatshëm të ndërhynte si ndërmjetës nëse palët ndërluftuese dhe Shtetet e Bashkuara ia kërkonin.

“Kam qenë këtu mjaftueshëm për të ditur se duhet të ketë një moment të duhur dhe rrethanat e duhura. Nëse dalin, unë patjetër do ta konsideroj atë”, tha ai.