Vetëvendosja do që mërgimtarët të votojnë në ambasada dhe konsullata

Lëvizja vetëvendosje sot ka proceduar me ligjin që do t’ua mundësojë mërgimtareve votimin në ambasada dhe konsullata. Kjo nismë e tyre synon lehtësimin e procesit të votimit për mërgimtaret.

Lëvizja Vetëvendosje ka bërë të dituar se e kanë proceduar iniciativën ligjore që do t’ua mundësojë mërgimtareve të votojnë në ambasada dhe konsullata të shteteve përkatëse.

Njoftimin për këtë nismë ligjore u bë i ditur nga një komunikatë në Facebook

Ky hap i Lëvizjes vjen si pasojë e faktit, siç janë shprehur ata, që deri më tani mërgimtarët edhe pse e kanë pasur të drejtën e votës nga vendet ku jetojnë, shpesh herë atyre iu është pamundësuar kjo e drejtë për shkak të pengesave teknike dhe burokracisë së ngarkuar.

“Mërgata përbën më shumë se 1/3 e popullsisë së tërësishme në Kosovë. Roli dhe kontributi i bashkatdhetarëve ka qenë dhe vazhdon të jetë shumë i rëndësishëm në jetën ekonomike dhe sociale e politike në Kosovë. Rreth 700 milionë euro në vit, vijnë nga mërgata. Fatkeqësisht dhe jo për fajin e saj, roli politik i mërgatës është reduktuar shumë kur bëhet fjalë përfshirjen e tyre në vendimmarrje”, thuhet në komunikatën e tyre për media.