VIDEO: Çmenduria, BMW “X6″ përfundon në digën e liqenit artificial

Një akt çmendurak është regjistruar mëngjesin e kësaj të marte të diga e Liqenit Artificial në Tiranë, me një BMW luksoze, tipike nën posedimin e ndonjë gangoje ndoshta nën efekte alkooli apo narkotikësh, që nga” Rruga e kosovarëve” i është ngjitur skarpatit në pjerrësi për t’u përplasur më pas me bordurën e liqenit, aty ku zakonisht ka këmbësorë ose biçiklistë, që nga mëngjesi e deri në mbrëmje.

Fjala është për një 26-vjeçar të identifikuar nga Policia, i cili po kërkohet tashmë prej kësaj të fundit, pasi është larguar nga vendngjarja duke hequr e marrë target e automjetit.

Njoftimi policor thotë: “Më datë 22.08.2023, rreth orës 05:15, në Rrugën e Kosovarëve, dyshohet se automjeti tip BMË me drejtues shtetasin E. A., 26 vjeç, banues në Durrës, ka dalë jashtë rruge dhe është ngjitur në skarpatin e digës së liqenit, më pas është përplasur me bordurën mbrojtëse anës liqenit.

Drejtuesi ka braktisur automjetin dhe është larguar nga vendi i aksidentit.

Materialet procedurale do t’i kalojnë Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme procedurale, për veprat penale ‘Shkatërrimi i pronës’ dhe ‘Largimi nga vendi i aksidentit’.