Video tronditëse e talebanëve: Ata po përdorin metoda mafioze për rrëmbim

Burimet e Kombeve të Bashkuara konfirmuan se talebanët kanë filluar sulme “hakmarrëse” kundër ish -ushtarëve dhe punonjësve të qeverisë, me shfaqjen e një videoklipi që tregon luftëtarët duke i futur të rinjtë në bagazhet e makinave, në stilin “Mafioz”, në kryeqytetin, Kabul.

Të hënën, zëdhënësja e Këshillit për të Drejtat e Njeriut Michelle Bachelet tha se kishte parë “raporte të besueshme” se luftëtarët talebanë po kontrollojnë shtëpi më shtëpi për të gjetur këdo që ka punuar në qeverinë e mëparshme ose me Shtetet e Bashkuara.

“Zyrtarët që kanë punuar në administratat e mëparshme dhe anëtarët e familjeve të tyre janë duke u ndaluar në mënyrë arbitrare,” shtoi Bachelet. “Në disa raste, zyrtarët janë liruar, në të tjera raste, ata janë gjetur të vdekur.”

Pamjet e shpërdarura në internet tregojnë burra, disa prej të cilëve duket se janë luftëtarë talebanë, duke i futur të paktën katër burra në bagazhet e makinave para se t’i çonin në një vend të panjohur.

Sipas gazetarëve, pamjet u filmuan në rrethin Salang Wat të Kabulit, dhe burrat e arrestuar ishin nga Lugina Panjshir.

Lugina Panjshir ka një histori të gjatë të luftimit kundër talebanëve, dhe këta njerëz janë një nga pakicat Taxhikase që shpesh persekutohen nga lëvizja militante.