Ajo priste të kapte shekullin në moshë, por viti 2021 nuk ia lejoi këtë gjë edhe pse vdekja e saj nuk lidhet as me COVID-19 as me ndonjë sëmundje të rëndë nga e cila vuante.
Betty White, 99-vjeçarja e njohur për serialin e famshëm të viteve 80’, Golden Girls, është ndarë nga jeta vetëm pak javë përpara ditëlindjes së saj të 100-ë.
Sipas lajmeve të para të marra nga mediat amerikane, White ka vdekur si pasojë e shkaqeve natyrale.
Që me rënien e pandemisë në vitin 2020, ajo dilte nga shtëpia shumë rrallë. Sëmundje bashkëshoqëruese nuk kishte. Por 2021-i, e mori atë me vete në ditën e fundit të tij.
Fillimet e karrierës, Betty i pati në vitet 40’, në emisione radiofonike.
Më pas, në vitet 70’, ajo u fut në industrinë e filmit. Më së shumti, në komedi të njohura amerikane, si “The Mary Tyler Moore Show” e më pas edhe në komedinë e saj të njohur si “The Betty White Show”.
Ajo është fituese e një sërë çmimesh Emmy. Ndërsa, ndër paraqitjet e fundit në karrierë, i pati në filmin “Joker”, ku ajo bën një paraqitje të shkurtër, por ikonike, krah Joaquin Phoenix dhe Robert DeNiro.
