Zyra e Kryeministrit ka dhënë detaje për vizitën e Kryeministrit Albin Kurti në Mitrovicën e Veriut.
Në njoftim, ZKM nuk ka përmendur çështjen e Urës së Ibrit, mirëpo ka ndarë një fotografi ku shihet Kurti duke kaluar mbi këtë urë.
Ndërsa në një tjetër fotografi, Kurti shihet duke biseduar me ushtarët italian të KFOR-it
Lidhur më çështjen e urës, Kurti ka folur para gazetarëve sot.
Kurti tha se vlerësimi i qëndrueshmërisë fizike dhe teknike të urës është bërë, por tani po presin nga vendet e QUINT-it dhe KFOR-i.
Sipas Kurtit, Ura e Ibrit duhet të hapet edhe për vetura, pasi edhe vetë marrëveshja në Bruksel e kërkon një gjë të tillë.
“Ne jemi gati, me konsultime dhe koordinim, po i presim QUINT-in dhe KFOR-in, ne i kemi kryer punët tona, kemi bërë përgatitjet sa i përket pastrimit, mjedisit rrotull aty, edhe vlerësimit të qëndrueshmërisë në aspektin fizik dhe teknik, tashmë kanë kaluar bukur kohë që raporti preliminar thotë se ura është e qëndrueshme, besoj ajo urë duhet të hapet edhe për automjete sepse liria e lëvizjes, sundimi i ligjit dhe marrëveshja në Bruksel e kërkojnë një gjë të tillë”, tha Kurti para gazetarëve.
Për çështjen e hapjes së Urës së Ibrit foli javën e kaluar edhe emisari sllovak, Miroslav Lajçak i cili pas takimit që pati me zëvendëskryeministrin Besnik Bislimi, tha se ajo duhet të hapet vetëm në koordinim me partnerët ndërkombëtarë të Kosovës.
“Diskutuam edhe për urën e Ibrit, qëndrimi i BE-së është i njohur dhe do ta përsërisim se ura duhet të hapet, por duhet të hapet në koordinim me me partnerët e ngushtë të Kosovës”, tha Lajçak para mediave.
Kryetari i Mitrovicës së Veriut, Milan Radojeviç, të premten është shoqëruar në Policinë e Kosovës,…
Një pamje gjithnjë e më e zakonshme në ujërat e Gjirit të Orikumit është shfaqja…
Kryeministri britanik Sir Keir Starmer ka akuzuar miliarderin e teknologjisë Elon Musk se po përpiqet…
Ish deputeti i PD, Edmond Spaho ka reaguar ashpër për protestën kundër investimit në Zvërnec,…
Presidenti serb Aleksandar Vuçiç ka konfirmuar se do të marrë pjesë në samitin BE–Ballkani Perëndimor…
Katy Perry do të jetë njëra prej këngëtareve kryesore që do të përformojë në Festivalin…