Kryeministri i Kosovës, Albin Kurti, e ka anuluar takimin me kryetarin e Tiranës, Erion Veliajn, në vizitën e parë të tij në Shqipëri si shef i Qeverisë.
Është anuluar vizita mes Kurtit dhe Veliajt, ku ishte planifikuar që kryeministri i Kosovës të nderohet me “Çelësin e Tiranës”.
Anulimin e vizitës është konfirmuar për Gazetën Express nga kabineti i Veliajt.
Sipas kësaj përgjigjeje, takimi u anulua me dakordimin e dy palëve për shkak të obligimeve.
Edhe nga Lëvizja Vetëvendosje i kanë thënë Gazetës Express se takimi u anulua për shkak të agjendës së ngarkuar që kryeministri Kurti e ka në Kosovë.
Takimi ishte planifikuar të ndodhte në orën 12:30.
Kurti e nisi vizitën e tij në Shqipëri me kryeministrin Edi Rama, me të cilin gjatë konferencës patën deklarata kundërthënëse.
Përderisa Kurti kishte shkuar plot falëndërime për shtetin shqiptar, Rama i mori me ftohtësi deklarimet e kryeministrit të Kosovës.
Madje, kur Kurti tha para gazetarëve që në këtë takim më shumë është folur për “makroshengen shqiptar, se sa për minishengen ballkanik”, Rama menjëherë i tha se “s’ka makrshengen shqiptar pa minishengen ballkanik”.
Rama është një nga ideatorët e minishengenit ballkanik bashkë më presidentin serb, Aleksandër Vuciq. Ky projekt nuk ka përkrahje as të Kurtit e as të politikanëve të tjerë të Kosovës.
Ish-ambasadori amerikan në Kosovë, Jeff Hovenier, ka deklaruar se administrata e presidentit Donald Trump ka…
Kryeministri Edi Rama ka deklaruar në një intervistë për Euronews se protestat kundër projektit të…
Gjashtë shtetas shqiptarë të shpallur në kërkim ndërkombëtar janë ekstraduar nga Emiratet e Bashkuara Arabe…
Kryetari i Mitrovicës së Veriut, Milan Radojeviç, të premten është shoqëruar në Policinë e Kosovës,…
Një pamje gjithnjë e më e zakonshme në ujërat e Gjirit të Orikumit është shfaqja…
Kryeministri britanik Sir Keir Starmer ka akuzuar miliarderin e teknologjisë Elon Musk se po përpiqet…