Xhamitë në qytete të ndryshme të Kosovës shpesh herë janë cak i hajnave, të cilët ua vënë syrin gjërave me vlerë, e sidomos arkave të cilat vendosen me para të dedikuara për bamirësi ose për kursime.
Një rast i tillë ka ndodhur edhe dje sot xhaminë e madhe, në rrugën “Ibrahim Luftiu” në Prishtinë, ku dikush ka hyrë me forcë brenda objektit fetar dhe ka vjedhur arkën e kursimeve.
Burimet nga Prokuroria thonë se rasti është denoncuar menjëherë në Policinë e Kosovës, me ç’rast pas marrjes së informatës, një njësi policore ka dalë në vendin e ngjarjes për të kryer ekzaminimet e nevojshme.
Me vendim të prokurorit, rasti është iniciuar ‘Vjedhje e rëndë’ dhe kanë nisur hetimet për identifikimin e të dyshuarve.
