Grupet punuese nga Lidhja Demokratike e Kosovës dhe Lëvizja Vetëvendosje kanë mbajtur takim ku kanë arritur marrëveshje lidhur me përmbajtjen dhe parimet e marrëveshjes për bashkëqeverisje.
“Në vazhdimësi të takimit të dy liderëve të LDK-së dhe LVV-së, sot në Selinë e LDK-së është mbajtur takimi i grupeve punuese lidhur me marrëveshjen e koalicionit qeverisës. Dy grupet punuese u dakorduan lidhur me përmbajtjen dhe parimet e marrëveshjes për bashkëqeverisje”- thuhet në komunikatën e Lidhja Demokratike të Kosovës.
Takimi i radhës pritet të mbahet të mërkurën në ora 15:00 për të konkretizuar takimin e sotë.
“Në takim u shqyrtuan temat kryesore politike dhe reformat kyçe sektoriale të cilat e presin Qeverinë e re. Palët u dakorduan për intensifikimin e takimeve dhe që takimi i radhës të mbahet të mërkurën nga ora 15:00 për të konkretizuar diskutimet e sotme “
