Informacioni se sekrete bërthamore i janë zbuluar një vendi të huaj, sipas materialeve të gjetura në rezidencën private të Donald Trumpit, po tmerron ekspertët e inteligjencës.
Agjentët federalë kapën dokumentin gjatë kontrollit të tyre në Mar-a-Lago, rezidencën e ish-presidentit në Florida, muajin e kaluar, raportoi Washington Post të mërkurën. Duket se kjo konfirmon frikën e madhe të zyrtarëve për natyrën e inteligjencës, që ai duhet të kishte kthyer në Arkivin Kombëtar.
Shawn Turner, ish-drejtor i komunikimit për inteligjencën kombëtare të SHBA-së, ishte i ashpër në kritikat e tij.
Ai tha se fakti që ato dokumente duhej të ktheheshin, ndryshon krejt lojën për rrezikun që i kanoset sigurisë kombëtare amerikane.
“Fakti që ne tani e dimë se kishte dokumente shumë të klasifikuara dhe qasje të kufizuar në lidhje me aftësitë e mbrojtjes bërthamore të një vendi tjetër të ruajtura në Mar-a-Lago është një ndryshim i lojës në lidhje me rrezikun që paraqet për sigurinë tonë kombëtare”, tha ai. “Këto dokumente mund të jenë parë nga personeli i paautorizuar… u tregon individëve se cilat janë aftësitë tona në lidhje me mbledhjen e inteligjencës lidhur me programet bërthamore”.
Turner tha se kjo tregon boshllëkun e autoriteteve për të mbledhur dhe ruajtur informacionet sekrete.
