Një ndërprerje historike e energjisë elektrike goditi Malin e Zi, Bosnjën, Shqipërinë dhe pjesën më të madhe të bregdetit kroat më 21 qershor.
Bizneset u detyruan të mbyllnin dyert, semaforët nuk funksiononin dhe njerëzit mbetën pa ajër të kondicionuar mes valës së të nxehtit.
Bashkë me rrymën në disa vende është zhdukur edhe interneti. Trafiku u ndal në kryeqytetin e BeH, Sarajevë, Banja Lukë dhe Mostar, ndërsa temperaturat në disa pjesë të rajonit arritën në 40 gradë Celsius. Shumë mbetën pa ujë në Podgoricë për shkak se pompat nuk funksionuan. Kondicionerët u fikën dhe akullorja po shkrihej nëpër dyqane.
Kolapsi i trafikut u regjistrua edhe në Split, ku sirenat e emergjencës po kumbonin.
Dy qarqe të shkurtra
Informacionet fillestare sugjeruan se ndërprerja ishte shkaktuar nga mbingarkesa e sistemit dhe temperaturat e larta në Shqipëri, dhe analiza e re nga Rrjeti Evropian i Operatorëve të Sistemit të Transmetimit për Energjinë Elektrike (ENTSO-E) tregon se kishte dy qarqe të shkurtra në linjat e transmetimit 400 kilovolt.
E para ka ndodhur në linjën e transmetimit Ribarevine-Podgoricë 2 në Mal të Zi, e cila ka shkaktuar një rënie afatshkurtër të tensionit. Vetëm 13 minuta më vonë ka pasur një qark të shkurtër në linjën e transmetimit Zëmblak – Kardia mes Shqipërisë dhe Greqisë.
Në të dyja rastet, fajtor për qarkun e shkurtër është bimësia e pastruar sa duhet pranë linjave të energjisë.
Dy lidhje të shkurtra më pas shkaktuan një reaksion zinxhir që u përhap në Bosnje dhe Hercegovinë, Mal të Zi, Shqipëri dhe Kroaci.
Ndërprerja e energjisë në Dalmaci, nga Zadari në Dubrovnik, zgjati nga dy deri në tre orë.
Kryetari i Mitrovicës së Veriut, Milan Radojeviç, të premten është shoqëruar në Policinë e Kosovës,…
Një pamje gjithnjë e më e zakonshme në ujërat e Gjirit të Orikumit është shfaqja…
Kryeministri britanik Sir Keir Starmer ka akuzuar miliarderin e teknologjisë Elon Musk se po përpiqet…
Ish deputeti i PD, Edmond Spaho ka reaguar ashpër për protestën kundër investimit në Zvërnec,…
Presidenti serb Aleksandar Vuçiç ka konfirmuar se do të marrë pjesë në samitin BE–Ballkani Perëndimor…
Katy Perry do të jetë njëra prej këngëtareve kryesore që do të përformojë në Festivalin…