Dy zjarrvënës për pak humbën jetën si pasojë e një zjarri që ata ndezën për të shkatërruar një salon bukurie në Australi.
Duket se karma reagoi menjëherë për dy zjarrvënësit që hynë, në orët e para të mëngjesit, në parukerinë që ndodhej në Balmoral të Brisbane.
Kamerat e sigurisë kanë kapur momentin teksa një prej tyre ndez zjarrin pasi kishte hedhur benzinën më herët, dhe flakët përfshinë menjëherë ambientin, bashkë me dy personat brenda.
Pas disa përpjekjesh, ata ia dolën të thyejnë një prej dyerve për të shpëtuar pa plagë të rënda.
Policia mundi të arrestojë një prej tyre, teksa zjarrfikësit arritën të shuajnë flakët duke mos i lejuar ato që të shpërndahen në bizneset përreth.
