Gjykata e Lartë e Zvicrës ka dënuar dy prindërit që kishin torturuar fëmijët e tyre. Babai është dënuar me 16.5 vjet burgim dhe nëna me 10.5 vjet. Të dy kanë mohuar akuzat dhe ia kanë lënë fajin njëri-tjetrit, raportoi Blick.
Djali nëntë vjeçar peshonte vetëm 18.5 kilogramë, është thënë ndër tjerash.
Gjykata gjeti se të dy, nëna dhe babai, kishin abuzuar fëmijët. Nëna është zvicerane kurse burri me origjinë nga Kosova.
Çifti ka disa fëmijë. Njëra vajzë dhe njëri djalë vuajtën më së shumti, shpjegoi prokurorja gjatë gjyqit. Ajo foli për torturën psikologjike dhe fizike dhe një regjim torture që zgjati me vite.
Vajza dhe djali i tyre mbaheshin mbyllur për vjet nga prindërit, fillimisht në dhomën e fëmijëve e më pas në bodrum. Sipas aktakuzës, ata mbanin erë banjoje dhe detyroheshin të bënin nevojat në dysheme. Ata lejoheshin jashtë vetëm për të shkuar në shkollë. Prindërit një herë e detyruan vajzën të hante të vjellat e saj dhe djalin jashtëqitjen e tij.
