Një aksident tragjik ka ndodhur pasditen e sotme në aksin rrugor Milot –Rrëshen, ku si pasojë një fëmijë në moshën 3-vjeçare ka humbur jetën.

Sipas policisë, në aksident janë përfshirë automjeti tip “Benz” me automjetin tip “Opel”.

Si pasojë e përplasjes ka ndërruar jetë i mituri 3- vjeçar dhe babai i tij, që po udhëtonin në mjetin tip “Opel”.

Po ashtu është lënduar drejtuesi i mjetit tip “Benz, i cili është transportuar në spitalin e Traumës në Tiranë.

Mjeti tip “Benz ” është përfshirë nga flakët dhe është djegur plotësisht.

Grupi hetimor ndodhet në vendngjarje dhe po punon për sqarimin e plotë të shkakut dhe rrethanave të ngjarjes.