Arkitekti Geci: “Tash me rregulloren e re t’tatimit n’pron’ kena me hi n’kredi tu e shti pronën hipotek’!”

Arkitekti Visar Geci e ka komentuar rritjen e çmimit të tatimit në pronë duke thënë se institucionet bankare nuk kanë mundësi të ‘nënvlerësojnë’ pronat.

“Dmth, tash me rregulloren e re t’tatimit n’pron’ kena me mujt me hi ma rrast n’kredi tu e shti pronën hipotek’!

Bankat nuk mujn ma me ta “nënvlersue” pronën…

Tu e dit’ që jem’ popull i rrast nepër kredia kjo ”matematik” na konvenon! “, ka shkruar në rrjetin social Facebook, arkitekti Geci.

Për shtrenjtimin e tatimeve në pronë ka pasur kritika këto ditë nga deputetë të opozitës dhe shumë qytetarë.

Komisioni për Buxhet, Punë dhe Transfere, e ka ftuar për ditën e premte ministrin e Financave, Hekuran Muratin për të raportuar në komision lidhur me ngritjen e çmimit të bazës tatimore në pronë në 100 për qind.

Komisioni vendosi që mbledhja me ministrin Murati të mbahet të premten në orën 13:30.