Avokati Saimir Vishaj tha në një intervistë për “Good morning Albanians” në Euronews Albania se Dan Hutra, vrasësi i tre grave të mërkurën në kryeqytet, kishte probleme skizofrenie.
Siç tregoi Vishaj, Hutra nuk pranonte atësinë e fëmijëve të tij.
“Ky asnjëherë nuk e pranonte që fëmija është i imi. Këto janë probleme të psiko-motorit që vuan ai sepse një mashkull të ngrejë dorë mbi një femër, jo mbi një, por mbi disa tregon që ka një lloj skizofrenie që hyn më shumë në ato raportet e psikopatisë, sepse një njeri normal që vjen mbas 20 vitesh burgimi dhe të riaktivizosh ato qeliza për të realizuar vepra penale të tilla, aq të rënda që prekin Shqipërinë, është e tmerrshme,” – u shpreh Vishaj.
