Bebe Rexha postoi video duke pirë ‘bari’ me Snoop Dogg, babai i saj bën reagimin epik

Së fundmi këngëtarja e njohur shqiptare ka publikuar këngën “Satellite” në bashkëpunim me reperin Snoop Dogg.

Ajo publikoi një video ku tymoste lëndë narkotike me reperin që mbahet të jetë një nga njohësit më të mirë të marihuanës.

Sipas këngëtares marihuana në fakt luajti një rol të madh në procesin krijues të këngës dhe videos, edhe pse kishte nguruar që ta provonte në fillim sepse do të dukej e dehur gjatë xhirimeve.

Fansat ishin shumë të emocionuar nga video e dyshes së artistëve që festonin së bashku, të gjithë përveç njërit, babait të Rexhës.

“Babai im më thirri dhe më tha: “Çfarë po bën? Pse po pi duhan në internet? A je e çmendur?”, thotë ajo. “Unë thashë: “Babi, është Snoop Dogg. Nëse pi duhan me dikë, ai duhet të jetë Snoop Dogg.”