Një arritje e madhe inxhinierike! Kështu e cilëson gazetari britanik Robert Hackman tunelin e Porto Palermos, në dokumentarin e realizuar me DritareTV. Fotoreporteri hyri në bazën ushtarake të Porto Palermos dhe tregoi si është ndërtuar ky tunel, brenda të cilit dikur ka pasur edhe reparte mirëmbajtjen e nëndetëseve dhe anijeve, ku strehoheshin shumë njerëz gjatë Luftës së Ftohtë.
“Ky tunel është 650 metra i gjatë me bazë të fortë inxhinierike. Tuneli ka dy porta, njëra në hyrje ndërsa tjetra në detin Jon. Kështu që nëndetëset ose anijet e shpejta mund të vinin në këtë anë të gjirit, të furnizoheshin me karburant e municione dhe më pas të dilnin në anën tjetër. Shumë efektive si metodë, por që nuk u përdor kurrë.
Janë dy dyer të mëdha prej hekuri në të dyja anët e tunelit. Brenda tunelit kishte edhe reparte për mirëmbajtjen e nëndetëseve dhe anijeve. Ndaj shumë njerëz qëndronin këtu gjatë Luftës së Ftohtë. Siç mund ta shihni ende sot janë vendosur disa mjete të shpejta ushtarake.
Është një strukturë e madhe dhe një arritje e madhe inxhinierike për të ndërtuar 650 metra tunel nën këtë shkëmb.
Në hyrje të tunelit janë dy dyer gjigande betoni. Në disa nga bunkerët e artilerisë që gjen nëpër Shqipëri kanë dyer betoni, por këto janë shumë të mëdha.”, tregon fotoreporteri britanik Robert Hackman i cili po punon për një cikël dokumentarësh me DritareTv, që kanë marrë shumë vëmendje, pasi ka shumë shikueshmëri dhe komente. Për më tepër i drejtohet kryesisht një publiku shqiptar, por dhe të huaj, të cilët në verë zgjerojnë shikuesit e DritareTV.
Kryeministri britanik Sir Keir Starmer ka akuzuar miliarderin e teknologjisë Elon Musk se po përpiqet…
Ish deputeti i PD, Edmond Spaho ka reaguar ashpër për protestën kundër investimit në Zvërnec,…
Presidenti serb Aleksandar Vuçiç ka konfirmuar se do të marrë pjesë në samitin BE–Ballkani Perëndimor…
Katy Perry do të jetë njëra prej këngëtareve kryesore që do të përformojë në Festivalin…
Një efektiv i Policisë së Shtetit u vra dhe një tjetër u plagos gjatë një…
Autori i vrasjes së një polici dhe plagosjes së një efektivi tjetër mëngjesin e sotëm…