Është zhdukur, apo e ka inskenuar ngjarjen? Kjo është pyetja misterioze që ende nuk ka marrë një përgjigje nga ana e Policisë së Shtetit, lidhur me zhdukjen e Ervis Martinajt.

Kanë qenë familjarët e Martinajt të cilët kanë denoncuar në polici zhdukjen e njeriut të tyre të afërt, duke krijuar dyshime që i shumëkërkuari i policisë është gjetur më shpejt nga grupet rivale.

Por gazetari investigativ, Artan Hoxha ka dhënë detaje mjaft interesante në lidhje me zhdukjen e Martinajt ndërsa ka folur në studion e lajmeve në Abc.

Sipas Hoxhës, Martinaj është tradhtuar, dhe është dorëzuar tek persona që kanë qenë të veshur me uniforma policie. Hoxha tha se grupet rivale kanë ngritur një njësit special për rrëmbimin e kundërshtarit të tyre.

Ai tha gjithashtu se nga një video e bërë nga vetë personat që kanë qenë në momentin kur Martinaj është dorëzuar tek kjo “njësi speciale”, ai ju ka ofruar 50 milionë euro për ta lënë të lirë.

Ndërkohë gazetari Hoxha ka zbuluar se Martinaj mund të jetë marrë peng nga grupet rivale të cilat pak kohë më parë i kishte ortakë në biznese.

Ai paralajmëroi gjithashtu se pas zhdukjes së Martinajt një tjetër organizatë kriminale po ngrihet fuqishëm dhe që do të jetë shumë e rrezikshme për 10 vitet e ardhshme.

Zhdukja e të shumëkërkuarit nga policia Ervis Martinaj, mbart një mister të madh, pasi pistat në të cilat po hetohet sot janë të shumta, ku dy më kryesoret janë eleminimi i tij nga grupet rivale, ose një inskenim.

Për të folur mbi këtë çështje i ftuar në edicionin e lajmeve në Abc, gazetari investigativ, Artan Hoxha, ka hedhur “dritë” mbi ngjarjen, duke zbardhur të shkuarën e MArtinajt dhe përplasjet e mëdha të tij me kundërshtarët në biznes.

“Pas ngjarjes në Bllok ku ai mbeti i plagosur nga ish-efektivi i forcave speciale, Meviol Bilo, Vis Martinaj ndodhej në burg. Në atë kohë në Shqipëri u tha që po krijohej një kompani që u identifikua me emrin “Bast Arena” , u tha që aty janë disa biznesmenë turq, pastaj u tha që është një politikan i rëndësishëm, pastaj u tha që është dhe një personazh tjetër shumë i rëndësishëm. Kjo kompani synonte që të merrte nën kontroll tregun e lojërave të fatit”, tha Hoxha.

Sipas gazetarit Hoxha, edhe pse Martinaj në atë kohë ndodhej në burg, tre aksionerëve të kompanisë së basteve iu dërgua një mesazh, ku ju kërkohej të hiqnin dorë, pasi duyshohej se ata ishin të interesuar që Martinaj të mbetej në qeli.

Gazetari investigativ Artan Hoxha, i ftuar në studion e lajmeve në Abc, ka komentuar për misterin që ka rrethuar opinionin publik, që është zhdukja e Ervis Martinajt.

Hoxha tha se Martinajt i ka ardhur e keqja nga mostra që ai vetë ka krijuar, nga ish-miqtë e tij në biznes.

Sipas Hoxhës pas zhdukjes së Martinajt mund të fshihen pikërisht njerëzit që ai ka pasur aleatë në biznese në të shkuarën, të cilët dinin gjithçka mbi të.

Ai theksoi se Aleanca e re e krimit që po krijohet është një monstër edhe më e frikshme se kjo që kemi parë deri më sot.

“Kundërshtarët më të mëdhenj të Martinajt ishin ortakët e biznesit, të gjithë njerëzit që ai ka bërë biznes u kthyen në kundërshtarë. Kundërshtarët e tij ishin aleatët. Njerëzit të cilët i ka bërë me para, ju ka marrë para, pra atij e keqja i erdhi nga mostra që kishte krijuar, jemi para faktit që nuk kemi një përgjigje. Nëse një ditë do të gjendet një nga bordorotë e kompanisë së Visit ne do të shohim çudira, politikanët nuk und të fshihen kaq lehtë. Nëse e lëmë këtë histori të kalojë mister, të jesh e sigurt që kjo aleanca e re do të jetë një monstër shumë më e fuqishme”, tha Hoxha.

A është dorëhequr Gledis Nano? Artan Hoxha flet mbi misterin në Drejtorinë e Policisë së Shtetit

Gazetari investigativ Artan Hoxha, në një bisedë në studion e lajmeve në Abc, ka folur edhe në lidhje me lajmin që po qarkullon për një dorëheqje të Drejtorit të Përgjithshëm të Policisë së Shtetit.

Hoxha tha se ende nuk ka asgjë zyrtare dhe se gjithçka mbetet për tu zbardhur në ditët në vijim, Ndërsa shtoi se Drejtori i përgjithshëm i Policisë së Shtetit i cili u emërua në detyrë afro një vit më parë, e kishte thuajse të pamundur të ndryshonte gjërat brenda policisë duke para inkriminimin që ka përfshirë institucionet por edhe shoqërinë shqiptare.

Ai theksoi se shpreson që mos jetë e njëjta dorëheqje si ajo e Ardi Veliut, e cila u duk sikur ishte shkruar në një lokal lagjeje.

“Nëse keni vënë re gjatë këtyre ditëve se çfarë ndodhi me zëvendësin e zotit Nano, u zëvendësua nga një oficer tjetër me përvojë nga Neritan Nallbati. Sot është folur për diçka të tillë nuk e di ende. Deri në momentin kur të shohim një akt, ju e kujtoni si u largu Ard Veliu, dorëheqja u duk sikur ishte shkruar në një lokal lagjeje. Në këtë situatë Drejtori i Përgjithshëm i Policisë së Shtetit nuk kishte shumë shanse për të bërë një gjë të madhe. Me këtë inkriminim që ka shoqëria shqiptare, nëse ne mbajmë policë me 480 mijë lekë, si mos e korruptoj unë. Në portin Durrësit u zbarkuan 1 ton kokainë, një ditë më pas në Ishëm u zbarkua 1.2 ton kokainë. Pra brenda 48 orëve u zbarkuan 2.2 ton kokainë, e kuptoni me çfarë paraje kemi të bëjmë”, u shpreh Hoxha.

Zhdukja e Ervis Martinajt është shoqëruar me një mister të madh në vend pasi ka raportime për eliminimin fizik të tij, por edhe se është larguar vetë nga skena për të shmangur goditjen nga kundërshtarët.

I ftuar në studion e lajmeve të ABC, gazetari investigativ Artan Hoxha zbardhi detaje të rendësishme në lidhje me zhdukjen e Martinajt. Sipas tij, nuk ka më gjurmë të tij që nga pasditja e datës 9 gusht ku ai dërgoi dy SMS, njërën ndaj familjes dhe njerin për t’i gjetur ushqim këlyshit të tigrit që mbante në shtëpi.

Por, perse duhej larguar nga skena Ervis Martinaj?

Hoxha tha se Martinaj ishte në tre banka të nivelit të dytë në Shqipëri dhe ishte kthyer në një problem edhe për personazhe të njohur të biznesit në Shqipëri, ndërkohë që problematikat nisin në vitin 2013 me operacionin kundër lojërave të fatit “Fundi i Marrëzisë”.

Sipas Hoxhës, një pjesë e mirë e tregut të lojërave të fatit kur PS mori pushtetin ishte nën ndikimin e Martinajt dhe Elvis Doçit. Ky i fundit madje kishte mbështetur të majtën gjatë fushatës me para dhe mjete për të lëvizur.

Gazetari tregon se në këtë moment u mor vendimi që të goditeshin lojërat e fatit dhe të kaloheshin nën kontrollin e njerëzve pranë qeverisë. Ndërkohë, në shtator të vitit 2013, Elvis Doçi ia shet makinetat e tij Ervis Martinajt dhe vetëm pak javë më pas policia nis operacionin “Fundi i Marrëzisë”.

Hoxha thotë se Martinaj dyshoi se Doçi e dinte për operacionin që do të ndodhte dhe prandaj ia shiti Martinajt biznesin kundrejt 4 milion eurove.

“Martinaj i thotë Elvis Doçit se ai e dinte për operacionin që do të ndodhte dhe se ose duhej t’i lironte makinetat ose t’i kthente paratë mbrapsht. Në këtë situatë i bëhet atentat më pas Elvis Doçit te Komuna e Parisit. Atëhere u dyshua Martinaj, por nuk pati prova”, shprehet Hoxha në studion e ABC.

Episodi i dytë sipas Hoxhës ku ka dalë sërish në pah Martinaj është ai i vitit 2015 ku u vra Enton Nika në zonën e Linzës në Tiranë.

Gazetari nxjerr në pah edhe një episod tjetër, i cili sipas tij ka ndikuar shumë në “prerjen e biletës” ndaj Ervis Martinajt.

Sipas tij, gjatë vitit 2017-2018 Ervis Martinaj blen dy vila në zonën e Surrelit, pikërisht përballë vilës së kryeministrit Rama. Madje, gazetari shton se edhe Martinaj, edhe Rama lëviznin me eskorta në të njëjtën zonë duke rrezikuar që edhe të përplaseshin ndonjëherë.

“Fakti që Martinaj shkoi dhe iu vendos Kryeministrit m’u përballë dhe u mor si lloj sfidë”, tha Hoxha duke shtuar se episodi tjetër ishte masakra e ish-Bllokut në tetor 2018. Në atë episod u plagos Martinaj dhe u vra një prej personave të afërt të tij.

Po ashtu, gazetari shprehet se Ervis Martinaj ishte përplasur fizikisht me dy biznesmenët më të fuqishëm në Shqipëri.

“Ka ndodhur një vrasje në një prej restoranteve më të njohura përballë kryeministrisë”, tha Rama duke kujtuar edhe vdekjen e një gardisti në atë kohë.

Hoxha u ndal edhe të një plan për të ngritur një kompani të re bastesh të quajtur “Bast Arena”, gjë e cila sipas tij do ta nxirrte komplet nga loja Martinajn.

“Tre personave që donin të futeshin te kjo kompani iu ështrë dërguar SMS ku iu kërkuar që të mos ndërhynin në këtë treg. Të gjithë pjestarët e kësaj kompanie u kontaktuan dhe iu tha se nëse ju futeni aty do të keni pasoja”, tha Hoxha duke shtuar se të gjitha këto episode, krahas konflikteve me grupet e tjera kriminale bën që përballë tij të krijohen një skuadër vrasësish profesionistë me financa të mëdha për ta eliminuar.

Gazetari Artan Hoxha foli në studion e lajmeve të ABC në lidhje me ngjarjet më të bujshme të ditëve të fundit, ku në krye qëndron zhdukja e mistershme e Ervis Martinajt, i cili kërkohet nga SPAK në kuadër të operacionit “Golden Bullet”.

Gjithçka nisi pas dëshmisë së Nuredin Dumanit, i cili tha se Martianaj i kishte ofruar 500 mijë euro për të vrarë Indrit Doklen.

Sipas gazetarit të ABC, Artan Hoxha, Ervis Martianj është aktualisht personi më i kërkuar në Shqipëri. Prej kohësh është përmendur emri i grabitësit të miliona eurove në Rinas, Talo Çela si më i kërkuar, por sipas Artan Hoxhës, sot për sot më i kërkuar është Ervis Martinaj që rezulton i zhdukur.

Gazetari ka shtuar se Ervis Martianj në të vërtetë ashtu siç mori edhe emrin, ishte “mbreti” i lojrave t fatit në Shqipëri. Sipas tij vetëm taksa paguheshin prej kompanive të tij 70 milion euro. Sipas Hoxhës në kompanitë e Ervis Martinajt ishin të punësuar rreth 16 mijë njerëz.

Në fund Artan Hoxha ka ngritur dyshimet se Ervis Martinaj është marrë peng ndërsa në treg po qarkull një grabitqar shumë herë më i madh.

Gazetari Artan Hoxha, ka publikuar detaje të reja nga zhdukja misterioze e Ervis Martinajt, një prej personave më të kërkuar në vendin tonë, i cili tashmë është denoncuar edhe nga familjarët e tij si i zhdukur.

Artan Hoxha, ka theksuar se Ervis Martinaj përdorte një celular të teknologjisë së lartë që nuk gjurmohej kollaj, madje nuk kishte as kartë. Sipas Hoxhës, Ervis Martianj investonte shumë në teknologji pasi e përdorte si për biznesin e tij dhe për tu mbrojtur.

“Ervis Martinaj përdorte jo telefon të zakonshëm, por një që ishte shumë e vështirë të gjurmohej. Ai investonte shumë në teknologji si në bizneset e tij si për vetëmbrojtje. Është shumë e rëndësishme të gjendet telefoni i Ervis Martinaj” tha Hoxha.

Zhdukja e Ervis Martinajt vijon të mbetet mister. Gazetari Artan Hoxha ka nxjerrë detaje të reja nga ditët e fundit që Martinaj është bërë i gjallë nëpër Tiranë.

Hoxha u shpreh në studion e lajmeve në ABC, se hera e fundit që është parë Ervis Martinaj, ka qenë në “trekëndëshin e Bermudës” Tiranë-Fushë Krujë-Durrës”.

Sipas Hoxhës, Martianj në mbrëmjen e 9 Gushtit të këtij viti ka shkuar në një banesë të një personi shumë të fuqishëm, duke kërkuar të bënte aleancë me të. Por në këtë banesë papritur kanë shkuar një skuadër me uniforma si të skuadrës speciale të policisë.

Në një moment ka shkuar edhe një mesazh në familjen e Ervis Martinaj duke u kërkuar që të bëjnë kujdes së mund të ketë kontrolle në banesë.

Sipas Hoxhës skuadra, Martinaj është prerë në besë dhe është shitur nga ata që e kishin ftuar në banesë. Skuadra në fjalë e ka marrë Martinaj dhe e kanë transportuar në një vend të sigurt.

“Për këtë ngjarje thuhet se në botën e krimit ka qarkulluar edhe një video ku shihet një person, por nuk dallohet qartë nëse është në të vërtete Ervis Martinaj. Në një fragment në këtë video personi që duket në të, thuhet se u ka ofruar 50 milionë euro personave që e kanë rrëmbyer vetëm që të lirohet”, shprehet Hoxha.

Hoxha ka shtuar po ashtu se skuadra që dyshohet se ka marrë Ervis Martinaj, ka dalë vetëm 5 herë në qarkullim dhe në këto lëvizje goditjet kanë qenë precize.

Itinerari

Hoxha tha se Martinaj ka ikur më datë 1 gusht nga Vora për në Vlorë duke takuar atje një personazh të njohur të krimit, të cilit i kanë bërë katër herë atentat dhe nuk e kanë vrarë dot. Hoxha tha se Martinaj shkoi në Vlorë për të kërkuar aleanca të reja, nisur edhe nga fakti se edhe grupi i personave që kërkojnë ta ekzekutojnë janë po nga ajo zonë.

Sipas gazetarit, Martinaj ka ndejtuar në Vlorë deri më datë 5 gusht dhe në atë datë është kthyer për në Vorë po me këtë person.

Më pas, Martinaj ka ardhur më datë 6 gusht sipas gazetarit Artan Hoxha në një qendër tregtare në Tiranë ku ka takuar një person. Më pas Martinaj ka shkuar në një kafe përballë një qendre tregtare në autostradën Tiranë-Durrës.

Sipas Hoxhës, Martinaj është kthyer më datë 7 në Tiranë duke ndjekur të njëjtin itinerar.

“Thonë që ai fshihej në një kullë, në fakt ai hidhte valle nëpër Tiranë sepse kishte informacion dhe përfitonte se askush nuk e njihte. Madje, edhe policët nuk raportonin”, tha Hoxha.

“Gazetari tregon se Martinaj ka dërguar dy SMS më datë 9 gusht, ku SMS i parë lidhet me ushqimin e këlyshit të tigrit që ai ka në shtëpi. Pastaj u dërgua edhe një SMS tjetër ku pyeste për familjarët. Pastaj nuk ka më gjurmë të tij”, tha Hoxha.

Hoxha tha se ka qarkulluar një video e një personi me pamje të mjegulluar ku ofronte 50 milion euro që ta linin të lirë.

“U tregua si trofe i kundërshtarëve ndaj Ervis Martinajt. Duhet verifikuar zëri aty se i kujt është”, tha Hoxha.

Sipas tij ka ndodhur një tërmet në botën e krimit dhe gjithçka që nisi në vitin 2018 duket se është finalizuar gjatë kësaj vere dhe gjatë dhjetë viteve të ardhshme do të kemi një panoramë tjetër të krimit të organizuar në vendin tonë.

“Unë e kam thënë edhe më herët. Po ndodh një reformë në krimin e organizuar. Tani është duke ndodhur kalimi nga një etapë e mëparshme e krimit në një etapë tjetër. Tani, gjatë kësaj vere po finalizohet ajo që nisi në vitin 2018. Kaq e rëndësishme është ajo që ka ndodhur këtë verë e bën të zymtë situatën në Shqipëri. Gjatë dhjetë viteve të ardhshme do të kemi një panoramë tjetër të krimit të organizuar në Shqipëri”, tha Hoxha.

“Po ndodh një tërmet në botën e krimit të organizuar. Kjo verë ishte një vijë demarkacioni mes periudhës së mëparshme dhe periudhës së ardhshme”, tha Hoxha. Ngjarja më e bujshme e kësaj vere është zhdukja e Ervis Martinajt.

Kush e donte “jashtë loje”

Perse duhej larguar nga skena Ervis Martinaj?