Një lajm jashtëzakoshem për të gjithë fansat e filmit në Kosovë.
Cineplexx dhe Albi Mall njoftojnë publikun që kanë nënshkruar marrëveshjen me IMAX Corporation për të sjellë teknologjinë më të avancuar të kinemasë, IMAX, për herë të parë në trojet shqiptare.
Pas një bashkëpunimi afatgjatë dhe tejet të suksesshëm mes Cineplexx dhe Albi Mall, të dy palët janë dakorduar që të zgjerojnë kinemanë aktuale me teknologjinë më të avancuar të kinemasë IMAX, për t’i sjellur publikut kosovar inovacion dhe eksperiencën më të mirë në treg.
