Dalin detaje të reja, i dyshuari në Fushë Kosovë mori 10 mijë euro kredi duke falsifikuar kontratën e punës

Në raportin 24-orësh, Policia njoftoi se dje ka arrestuar një person që dyshohet se në janar ka aplikuar për kredi me dokumente të falsifikuara.

Zëdhënësja e Prokurorisë, Laureta Ulaj, ka thënë për Express se i dyshuari është në ndalim për “Mashtrim” dhe “Falsifikim të dokumenteve”.

“Në ndalim është një person i cili dyshohet për veprat penale “Mashtrim” dhe “Falsifikim i dokumentit”. Prokurori i rastit do të ndërmerr edhe veprimet e tjera ligjore”, tha Ulaj.

Mirëpo, Express mëson se ai e ka falsifikuar kontratën e punës, me të cilën ka aplikuar për kredi, ndërkaq në media po raportohet që shuma e kredisë ka qenë 10 mijë euro.