“Dhuna është e kontrolluar”, spektakël barbar me brutalitetin e UFC-së

Nëse ndeshjet në UFC do t’i quani brutale, atëherë çfarë mund të thoni për një ndeshje në rrugët e Britanisë, ku nuk ka mëshirë ndaj kundërshtarit dhe pjesëmarrësit nuk mbajnë as doreza.

Daily Mail i ka kushtuar një shkrim ndeshjeve të boksit në rrugë, ku tifozët duhet të paguajnë të paktën 40 paundë për të marrë pjesë në to.

Luftëtarët kanë një qëllim të shkatërrojnë kundërshtarin në kafazin e improvizuar, ose ai të pranojë sa më parë humbjen. Pamjet e publikuara tregojnë popullaritetin e madh që kanë marrë këto organizime. Pamjet e publikuara nga media britanike janë filmuar në Bridlington, South Yorkshire, të zhvilluara nga Bare Knuckle Street Fighting Braëls.

Edhe pse këto ndeshje vlerësohen si barbare nga shumë persona, organizatorët e tyre i kundërshtojnë me forcë këto pretendime duke thënë se përballjen janë të kontrolluara dhe madje mund të ndikojnë në uljen e dhunës në rrugët e Britanisë. “Ne po ndihmojmë në uljen e rasteve të dhunës në rrugët e Britanisë. Në ndeshjet tona ka dhe grupe mjekësh dhe gjithçka është e kontrolluar”, iu tha gezetarëve Derek Heggie, një prej organizatorëve të këtyre dueleve.