Gjykata Themelore në Prizren e ka shpallur fajtor për mashtrim mjekun popullor, Hysri Peqani, i njohur si Burdushi.
Burdushi u dënua me 1 vit burgim dhe gjobë në shumën prej 5,000 eurosh. Atij i është ndaluar edhe ushtrimi i profesionit në periudhë prej tre viteve.
Gjykata Themelore në Prizren, më 19 nëntor të vitit të kaluar, kishte marrë vendim që Burdushi të shpallet fajtor për këtë rast, për mashtrim dhe ishte dënuar me 1 vit burgim e 5000 mijë euro gjobë.
Ndaj tij gjykata kishte shqiptuar edhe dënimin plotësues, ndalim i ushtrimit të profesionit në kohëzgjatje prej 3 vitesh.
Me pretendimin se aktgjykimi i shkallës së parë është përfshirë në shkelje të dispozitave ligjore, i akuzuari për mashtrim, Hysni Peqani, i njohur me emrin Burdushi, përmes mbrojtësve të tij, kishte kërkuar nga Gjykata e Apelit që rasti i tij të kthehet në rigjykim.
Në anën tjetër, prokuroria kishte kërkuar nga Apeli ashpërsimin e dënimit të shqiptuar ndaj Peqanit, me arsyetimin se i njëjti nuk është adekuat me peshën e veprës penale.
Prokuroria Themelore në Prizren kishte ngritur aktakuzë ndaj të akuzuarit Hysni Peqani, me arsyetimin se i njëjti, më 20 qershor 2014 deri më 12 gusht 2014, në Prizren, me qëllim që t’i fshehë faktet dhe në mënyrë të kundërligjshme të fitojë dobi pasurore për vete apo për personin tjetër, e mashtron dhe e vë nën lajthim personin tjetër dhe me këtë e nxit të dëmtuarin Qazim Pulatani, shtetas amerikan, duke i thënë se do t’ia shërojë bashkëshorten, e cila vuan nga depresioni në kompensim të shumës prej 2000 eurosh.
Me këto veprime, Peqani akuzohet se ka kryer veprën penale të mashtrimit.
Ish-ambasadori amerikan në Kosovë, Jeff Hovenier, ka deklaruar se administrata e presidentit Donald Trump ka…
Kryeministri Edi Rama ka deklaruar në një intervistë për Euronews se protestat kundër projektit të…
Gjashtë shtetas shqiptarë të shpallur në kërkim ndërkombëtar janë ekstraduar nga Emiratet e Bashkuara Arabe…
Kryetari i Mitrovicës së Veriut, Milan Radojeviç, të premten është shoqëruar në Policinë e Kosovës,…
Një pamje gjithnjë e më e zakonshme në ujërat e Gjirit të Orikumit është shfaqja…
Kryeministri britanik Sir Keir Starmer ka akuzuar miliarderin e teknologjisë Elon Musk se po përpiqet…