Agjencia e Lajmeve e Iranit “Fars”, ka postuar një video në faqen e saj në internet ku shfaqet “një snajper iranian duke vrarë presidentin amerikan Donald Trump”.
Sipas mediave të huaja, përcjell Telegrafi, videoja, me titull “Hej SHBA! Ju e filluat, ne do ta mbarojmë”, vjen pak ditë pasi Amerika vrau komandantin e Forcave Quds të Gardës Revolucionare Islamike të Iranit, Qassem Soleimani.
Një paralajmërim për SHBA që thotë, “nëse filloni luftën, ne do t’i japim fund luftës” shfaqet në një ekran, para se aty të shfaqej një snajper iranian që po bënte gati armën e tij.
Snajperisti më pas shikon një foto të Soleimanit, shikon nga dritarja, e sheh Trumpin duke folur në një podium dhe e qëllon ndërsa Shërbimi Sekret tenton për ta hequr atë nga skena.
Në fund të videos së përpunuar, shprehja “në emër të Zotit,…”, shfaqet në një ekran.
Pamjet e Trump duket se janë nga një tubim i vitit 2016 në Reno, Nevada, kur dikush dyshohet se bërtiti “armë” direkt para skenës, ndërsa Trump po fliste.
Anëtarët e Shërbimit Sekret nxituan për të nxjerrë Trumpin nga skena, pas së cilës gjë Shërbimi Sekret tha se nuk u gjet asnjë armë.
Mediat atëbotë kishin publikuar pamjet e incidentit, duke theksuar se, megjithëse nuk shihet në video, Trump më vonë u kthye në skenë.
Kryeministri britanik Sir Keir Starmer ka akuzuar miliarderin e teknologjisë Elon Musk se po përpiqet…
Ish deputeti i PD, Edmond Spaho ka reaguar ashpër për protestën kundër investimit në Zvërnec,…
Presidenti serb Aleksandar Vuçiç ka konfirmuar se do të marrë pjesë në samitin BE–Ballkani Perëndimor…
Katy Perry do të jetë njëra prej këngëtareve kryesore që do të përformojë në Festivalin…
Një efektiv i Policisë së Shtetit u vra dhe një tjetër u plagos gjatë një…
Autori i vrasjes së një polici dhe plagosjes së një efektivi tjetër mëngjesin e sotëm…