Qyteti Rostock në Gjermani po forcon rregullat mbi etikën e natyrizmit, duke u dhënë rojeve të plazhit fuqinë të ndalojnë personat që veshin rroba në zonat e dedikuara vetëm për nudistët, shkruan A2 CNN.
Sipas Moritz Naumann nga turizmi i Rostock-ut, ky rregull i ri është vendosur pas ankesave të shumta nga persona që ndiheshin të shqetësuar në zonat e caktuara për nudistët.
“Etika e plazheve nudiste duhet të respektohet, dhe disa nga shkeljet më të zakonshme janë vëzhgimi i tepërt, fotografimi dhe komentet e padëshiruara”, tha Presidentja e Federatës Ndërkombëtare të Natyrizmit, Stéphane Deschênes. Ajo theksoi, se respektimi i rregullave në plazhet nudiste është thelbësor për një ambient të qetë dhe të pranueshëm për të gjithë.
Rostock ka një vijë bregdetare prej 15 kilometrash, e cila është ndarë në zona vetëm për nudistë, zona të përziera dhe zona ku lejohet veshja e rrobave. Kjo ndarje synon të përmbushë preferencat e të gjithë vizitorëve.
Frekuentimi i plazheve nga nudistët ka qenë tradicionalisht shumë i përhapur në Gjermani, por ka filluar të bjerë mes të rinjve. Autoritetet kanë reduktuar numrin e plazheve nudiste nga 37 në 27 për shkak të rënies së interesit.
Kryeministri britanik Sir Keir Starmer ka akuzuar miliarderin e teknologjisë Elon Musk se po përpiqet…
Ish deputeti i PD, Edmond Spaho ka reaguar ashpër për protestën kundër investimit në Zvërnec,…
Presidenti serb Aleksandar Vuçiç ka konfirmuar se do të marrë pjesë në samitin BE–Ballkani Perëndimor…
Katy Perry do të jetë njëra prej këngëtareve kryesore që do të përformojë në Festivalin…
Një efektiv i Policisë së Shtetit u vra dhe një tjetër u plagos gjatë një…
Autori i vrasjes së një polici dhe plagosjes së një efektivi tjetër mëngjesin e sotëm…