Gjatë ditës së sotme, policia e EULEX-it ka kryer bastisje në shtëpinë e një ish-pjesëtari të Ushtrisë Çlirimtare të Kosovës.
Gazetarja Arjeta Sinani në një lidhje direkte në Edicionin Special në Klan Kosova ka bërë të ditur se bëhet fjalë për personin me inicialet F.S.
“Fillimisht kemi hasur në katër automjete të EULEX-it të cilët i ka asistuar edhe Policia e Kosovës, por ata nuk kanë pranuar të flasin për rastin në fjalë”.
“Nga burime kemi mësuar se bëhet fjalë për një ish-pjesëtarë të UÇK-së të cilit i është konfiskuar edhe telefoni”.
“Ne kemi shkuar te shtëpia e personit në fjalë, por familjarët e tij kanë thënë se i njëjti ndodhet në shtëpi”.
Klan Kosova përmes burimeve mëson se bëhet fjalë për ish-komandantin special të zonës operative të Llapit.
