Arba Kokalari, deputete shqiptare për Suedinë në Parlamentin Evropian, thotë se aplikimi i dy vendeve nordike, Suedisë dhe Finlandës për në NATO, ka ardhur pas kërcënimeve nga Vladimir Putin.
“Ka kërcënuar verbalisht dhe ka dërguar dhe avionë ushtarakë që kanë kaluar në kufirin suedez. Ka qenë shumë agresiv”, u shpreh Kokalari.
Eurodeputetja tha se mënyra se si i trajton Rusia vendet fqinje vë në pah se sa e rëndësishme është një NATO e fortë.
Kokalari tregoi se para luftës në Ukrainë, opinioni publik në Suedi ishte i ndarë, ku shumica ishte kundër hyrjes në NATO.
“Pas luftës opinioni është pro NATO-s dhe shumica e partive politike e mbështesin hyrjen në NATO. 6 nga 8 partitë politike në Suedi janë pro”, tha Kokalari.
Deputetja e Parlamentit Evropian shprehet e bindur se dy vendet do të anëtarësohen në NATO, pasi nga kjo aleanca ushtarake do të jetë më e fortë.
Por, nga ana tjetër Kokalari thotë se procesi mund të marrë pak kohë. /Euronews.al
Irani ka njoftuar se ka pezulluar operacionet ushtarake kundër Izraelit, por ka paralajmëruar se do…
Zgjedhjet e parakohshme parlamentare të mbajtura dje në Kosovë kanë regjistruar pjesëmarrjen më të ulët…
Numërimi i afrohet 100 përqëindëshit: LVV 43,03 %, PDK 21.21 %, LDK 17.68 % dhe…
Lëvizja Vetëvendosje vazhdon të prijë në rezultatet preliminare të procesuara nga Komisioni Qendror i Zgjedhjeve…
Sot në Kosova janë mbajtur zgjedhjet e jashtëzakonshme parlamentare. Lidhur me këtë, është publikuar Exit…
Pamje të nxjerra jashtë kontekstit, imazhe të krijuara me Inteligjencë Artificiale dhe narrativa gjeopolitike u…