Një video që të le pa frymë është regjistruar së fundmi në Kaliforni ku shfaqet një kalimtar që ndalon në momentin një karrocë fëmijësh me një foshnje brenda që i kishte ikur nga dora gjyshes dhe që po i drejtohej me shpejtësi autostradës.
Në pamje duket qartë momenti teksa gjyshja rrëzohet në tokë dhe karroca, që për shkak të pjerrësisë së rrugës, nis të lëvizë vetë në drejtim të autostradës me 9 korsi.
Gruaja mundohet disa herë që të ngrihet, por e ka të pamundur, derisa fatmirësisht një kalimtar dëgjoi thirrjet e saj për ndihmë dhe arrit të shmangë tragjedinë pothuajse të sigurt në momentin e fundit.
