Gega thirrje të rinjve: Mos u largoni, të gjithë bashkë bëjmë gjëra të mira

Atletja Luiza Gega u ka bërë thirrje të rinjve shqiptarë të mos largohen nga vendi, por të punojnë fort dhe ëndrrat e tyre t’i realizojnë në Shqipëri.

Ajo tha se kur të gjithë punojnë bashkë dhe me përkushtim , suksesi është i padiskutueshëm. Falë ndihmës së dhënë për sportin dhe sportistët, Gega thotë se Shqipëria tashmë shihet ndryshe në arenën ndërkombëtare.

“Se kuptoj pjesën që pse duan të ikin dhe mos të bëjnë diçka të mirë për vendin e tyre. Nëse bëhemi të gjithë bashkë, siç jemi edhe ne sot, mund do bëjmë shumë gjëra të mira dhe Shqipëria mund të ecë para. Unë jam krenare për sportin kur shoh sa kanë ndryshuar gjërat. Shpesh të rinjve iu them do doja të isha edhe njëherë 20 vjeç se ne e kemi nisur me shumë sakrificë dhe ndihesha jo e barabartë me shtete e tjera. Por vitet e fundit, sidomos këtu dy vite, jemi ndjerë të barabartë dhe shumë krenarë për vendin nga vij dhe atë që përfaqësoj”, tha Gega, teksa ishte e ftuar në “Podcastin” e  moderuar nga kryeministri Edi Rama.