Greqia: Egjeu ynë, sërish i pushtuar nga turqit Ku është përqendruar tani Ankaraja

Grekët kanë dhënë sërish alarmin mbi operacionet turke të këkimeve në Egje.

Për të mbajtur tensionet e larta në Egje, në pretendimet e tyre të paligjshme, turqit kërkojnë kapjen e dy zonave detare në zemër të arkipelagut grek për ushtrime kërkim-shpëtimi më 6, 7, 12 dhe 13 maj.

Bazuar në Navtex-in e paligjshëm turk, marina turke po bllokon tre zona të Egjeut qendror për ushtrime kërkim-shpëtimi, dy prej të cilave janë brenda FIR-it grek, ndërsa një pjesë e madhe e tyre përfshin, përveç ujrave ndërkombëtare, territoriale greke, shkruajnë kështu mediat e Athinës.

Sipas hartës përkatëse, Turqia po bllokon një zonë të madhe detare midis Skyros, Kios dhe Lesvos dhe një më të vogël midis Lesvos dhe Kios për ushtrimet përkatëse.

Ky ushtrim është pjesë e përpjekjes së vazhdueshme të Ankarasë për të siguruar të drejtat e kërkimit dhe shpëtimit në Egje, në lindje të paraleles së 25-të, veçon Protothema.

Nga ana tjetër, mediat turke raportojnë se anija turke “Yavuz” lundroi në operacion drejt pusit Turkali-2 në Detin e Zi, ku u zbuluan 540 miliardë metra kub gaz natyror në vitin 2020, njoftoi Anatolia.

Duke iu drejtuar një ceremonie lamtumire në portin Filyos, provinca Zonguldak, Ministri i Energjisë dhe Burimeve Natyrore Fatih Donmez tha se dy anijet e tjera, “Fatih” dhe “Kanuni”, do të kryejnë operacione në fushën e gazit Sakarya në të njëjtën kohë.

“Këtu po zbatohet një nga projektet më të mëdha të ndërtimit në botë”, tha ai, duke shtuar se shumica e kontratave që kanë të bëjnë me inxhinierinë, furnizimin, ndërtimin dhe instalimin janë finalizuar.

Donmez përsëriti se tubacionet e para që do të vendosen në shtratin e detit janë dorëzuar muajt e fundit dhe i gjithë procesi i dërgimit të tubacioneve në portin e Filyos do të përfundojë brenda korrikut. Vendosja e tubave është planifikuar të fillojë në korrik ose gusht.

“Misioni i ‘Yavuz’ do të jetë instalimi i pajisjeve dhe sistemeve të kontrollit në shtratin e detit, veçanërisht pajisjet në grykën e pusit. Kjo pajisje peshon 65 tonë, është gjashtë metra e gjerë dhe pesë metra e lartë”, shpjegoi Donmez.

Hapësira e shpimit “Yavuz” do të jetë përgjegjëse për punën në pusin e sipërm të fushës dhe do të shpojë 10 puse Turkali, si pjesë e fazës së parë të planit të prodhimit të gazit në Detin e Zi.

Donmez tha se “Yavuz” do të vazhdojë të punojë në puse të tjera pas pusit Turkali-2 dhe se rreth 2000 njerëz janë duke punuar në projekt.

Deri në fund të fazës së parë, prodhimi mund të arrijë në 10 milionë metra kub gaz në ditë.

Turqia po planifikon gjithashtu një fazë të dytë, me 20 ose 25 puse shtesë në det, të cilat do të lejojnë prodhimin total të arrijë në 40 milionë metra kub gaz në ditë.