Yuval Noah Harari po jep alarmin se Inteligjenca Artificiale do të mund të krijojë një fe të re, e cila do të tërheqë besimtarët, me synimin për të skllavëruar njerëzimin.
24 orë pas dorëheqjes nga Google të “kumbarit” të inteligjencës artificiale, sistemet e inteligjencës artificiale si ChatGPT kanë kaluar tashmë një kufi të ri pasi tani janë në gjendje të përdorin gjuhën për të formësuar kulturën njerëzore.
“Vetëm duke përvetësuar njohuri për gjuhën njerëzore, AI ka atë që duhet për të na joshur në një botë iluzionesh të ngjashme me Matricën”, tha Harari në konferencën e Forumit të Kufijve në Zvicër, duke iu referuar filmit fantastiko-shkencor distopian të vitit 1999.
“Në kundërshtim me atë që spekulojnë disa teoricienë të teorive konspirative, në të vërtetë nuk ka nevojë të futen çipa në trurin e njerëzve për t’i kontrolluar ose manipuluar ato.
Për mijëra vjet, profetët, poetët dhe politikanët kanë përdorur gjuhën dhe narrativen për të manipuluar dhe kontrolluar njerëzit dhe për të riformuar shoqërinë.
Tani inteligjenca artificiale ka të ngjarë të jetë në gjendje ta bëjë këtë. Siç theksoi Harari, AI nuk ka nevojë të na shkatërrojë natyrshëm, pasi do të jetë në gjendje të kontrollojë njerëzit duke krijuar fe të reja, të cilat ata do t’i ndjekin verbërisht.
Sigurisht, fetë gjatë historisë kanë pohuar se librat e tyre të shenjtë janë shkruar nga një inteligjencë e panjohur njerëzore.
Harari së fundmi iu bashkua Elon Musk dhe bashkë-themeluesit të Apple, Steve Wozniak në thirrjen për një qasje shumë më të kujdesshme ndaj inteligjencës artificiale.
Ai ishte në mesin e një mijë drejtuesve dhe ekspertëve të teknologjisë që shkroi një letër të hapur duke u bërë thirrje të gjithë laboratorëve të AI që “të ndalonin menjëherë për të paktën gjashtë muaj trajnimin e sistemeve të AI më të fuqishëm se GPT-4”.
