Ish-këshilltari i Oborrit Mbretëror, Murat Basha, ka deklaruar mbrëmë se gjatë kohës që Mbreti Zog Leka I ishte gjallë, planifikuan të gjenin një partnere për Princin.
Njerëzit e ngushtë, përfshirë edhe vetë Bashën, thotë se atëherë dhanë idenë që Princ Leka të martohej me vajzën e Presidentit Historik të Kosovës, Ibrahim Rugovës.
“Ne njerëzit e ngushtë të Mbretit Leka menduam që t’i krijonim Princit projektin për një të ardhme, me një vajzë që ishte shqiptare me origjinë, por nuk ishte banore në Shqipëri dhe ideja ishte për vajzën e Ibrahim Rugovës. Më falni që po e përmendi në media”.
“A ka më bukur Shqipëri etnike se familja e Mbretit Zog dhe familja e Dr. Rugovës të bashkohej dhe të bënin një martesë, kjo do ishte kryevepër. Kjo do ishte Shqipëria etnike e realizuar nga koka, jo nga poshtë dhe kjo sipas meje do të bënte një gjë shumë të bukur”, ka thënë Basha.
Por, thotë se atë moment ata nuk ishin në dijeni se Princi kishte një marrëdhënie me Elia Zaharian.
“E kanë mendur edhe të tjerë këtë dhe kemi qenë dakord disa aty, por në atë moment ne nuk kishim asnjë dijeni se Princ Leka kishte një marrëdhënie. Në momentin që kjo marrëdhënie u shpërfaq, u tërhoq ideja dhe unë e kam përgëzuar atë sepse ai ndoqi zemrën, ndoqi dashurinë e tij”, ka deklaruar Basha në Top Story.
Ndryshe, Princ Leka dhe Elia Zaharia kanë nisur procedurat e divorcit javë më parë. Së fundi, dyshja kanë drejtuar akuza ndaj njëri-tjetrit për dhunë në familje.
Irani ka lëshuar raketa balistike drejt bazave ushtarake amerikane në Kuvajt dhe Bahrejn, pasi Shtetet…
Në rrjetet sociale kanë nisur të qarkullojnë video të prodhuara me inteligjencë artificiale, në stilin…
Izraeli vendosi fshehurazi njësi elitare ushtarake dhe të inteligjencës në Azerbajxhan gjatë luftës me Iranin,…
Ish-ambasadori amerikan në Kosovë, Jeff Hovenier, ka deklaruar se administrata e presidentit Donald Trump ka…
Kryeministri Edi Rama ka deklaruar në një intervistë për Euronews se protestat kundër projektit të…
Gjashtë shtetas shqiptarë të shpallur në kërkim ndërkombëtar janë ekstraduar nga Emiratet e Bashkuara Arabe…