Ivica Daçiq, nënkryetar i Qeverisë së Serbisë dhe Ministër e Punëve të Brendshme, ka dalë edhe një herë para mikrofonit dhe ka kënduar para presidentit turk Rexhep Tajip Erdogan.
Në rrjetet sociale është shfaqur një video e Daçiqit duke kënduar këngën “Osman aga” në një drekë në Pallatin e Serbisë, të mbajtur për nder të presidentit turk.
Në një video amatore të shpërndarë në rrjetin social X, Daçiq shihet me mikrofon në shoqërinë e një orkestre, ndërsa në sfond në tryezën festive janë ulur anëtarët e Qeverisë Goran Vesiq, Zoran Gajiq dhe Usame Zukorliq. Tavolina në të cilën janë ulur mysafiri nga Turqia, Rexhep Tajip Erdogan dhe nikoqiri i tij, Aleksandar Vuçiq.
Në komentet që shoqërojnë videon mund të lexohet se muzikantët që e shoqërojnë ministrin derisa ai këndon janë Stanislav Binicki nga orkestra ushtarake dhe se është e njëjta këngë që Daçiq i këndoi presidentit turk gjatë vizitës së tij në Beograd në vitin 2017.
Presidenti i Turqisë të enjten dhe të premten zhvilloi një vizitë zyrtare në Serbi, gjatë së cilës u nënshkruan disa marrëveshje dhe memorandume për bashkëpunim ndërmjet dy vendeve.
Kryeministri britanik Sir Keir Starmer ka akuzuar miliarderin e teknologjisë Elon Musk se po përpiqet…
Ish deputeti i PD, Edmond Spaho ka reaguar ashpër për protestën kundër investimit në Zvërnec,…
Presidenti serb Aleksandar Vuçiç ka konfirmuar se do të marrë pjesë në samitin BE–Ballkani Perëndimor…
Katy Perry do të jetë njëra prej këngëtareve kryesore që do të përformojë në Festivalin…
Një efektiv i Policisë së Shtetit u vra dhe një tjetër u plagos gjatë një…
Autori i vrasjes së një polici dhe plagosjes së një efektivi tjetër mëngjesin e sotëm…