Boris Johnsoni e ka paralajmëruar Emmanuel Macronin se ka “peshq më të mëdhenj për të skuqur” sesa të bëjë luftë ndaj peshkatarëve.
Kryeministri i Britanisë së Madhe ka kërcënuar me veprime ligjore ndaj “luftës” Britani-Francë rreth varkave të peshkimit ditëve të fundit, teksa në mënyrë qesharake bëhet sikur po përgatitet për një përplasje me presidentin francez, në momentin kur liderët e G20-s po bëheshin gati për tu fotografuar në prag të nisjes së samitit.
Të dy liderët bënë një shfaqje miqësie teksa u përshëndetën “me grusht” gjatë takimit në kryeqytetin italian mëngjesin e së shtunës.
Shefi i portit Calais paralajmëroi të shtunën se Britania do të përballet me “katastrofë” nëse Macroni bllokon peshkatarët britanikë nga portet franceze.
Ndërkohë, Franca mbrëmë iu lut pjesës tjetër të BE-së që t’i bashkohet luftës së saj të peshkimit kundër Britanisë si një ndëshkim për Brexit.
Kryeministri francez Jean Castex tha se Brukseli duhet të nënshkruajë në fushatën e tij kundër Britanisë së Madhe për të mbajtur bllokun të bashkuar.
