“Keni kaluar kufijtë e njerëzores”, Syla u jep një paralajmërim kërcënuesve

Gazetari Valon Syla, ka paralajmëruar të gjithë ata që e kanë kërcënuar në mesazhe se nuk i tërheqin mesazhet e tyre do t’i lajmëroj në polici.

Sipas tij, për 25 vite në këtë profesion, nuk e ka lajmëruar asnjë kërcënues, por pas rastit të fundit, ai thotë se ndjekësit kanë kaluar kufijtë e njerëzores.

Syla u ka dhënë atyre 24 orë afat që t’i tërheqin mesazhet.

“Prej këtij momenti i keni edhe 24 orë afat prej meje, nga mirëkuptimi nëse i keni ra pishman me i fshi e me i tërhjek mesazhet që i keni dërguar drejt adresave të mia. Pas këtij afati, bash secilin do ta denoncoj në polici, veç e veç me foto dhe identitete”, shkroi veç tjerash.

Postimi i plotë:

Lajmërim Publik për Xhematin e Facebookut

Deri tash asnjë person që mu është kërcënuar me mesazhe nuk e kam derguar apo denoncuar në polici tash e 25 vjet sa punoj si gazetar dhe në media. Si kam denoncuar as kur jam sulmuar fizikisht rastin e gërrnaçit.

Por, po e shoh se pernjëmend i keni kapërcyer të gjithë kufijtë e njerëzores dhe asaj që ua lejon liria e juaj.

Prej këtij momenti i keni edhe 24 orë afat prej meje, nga mirëkuptimi dhe toleranca, nëse i keni ra pishman, me i fshi e me i tërhjek mesazhet që i keni dërguar drejt adresave të mia. Pas këtij afati, bash secilin do ta denoncoj në polici, veç e veç me foto dhe identitete.