Presidenti francez, Emmanuel Macron ka reaguar lidhur me deklaratat e homologut të tij amerikan, Donald Trump lidhur me tërheqjen e SHBA-së nga NATO. Gjithashtu Macron ka komentuar deklaratën e Trump se ai keqtrajtohet nga gruaja e tij.
Ai tha se një operacion të mundshëm ushtarak për të hapur Ngushticën e Hormuzit është jorealiste dhe akuzoi presidentin amerikan për dobësimin e NATO-s, duke krijuar dyshime të përditshme në lidhje me angazhimin e saj.
“Disa mbështesin idenë e çlirimit të Ngushticës së Hormuzit me forcë, përmes një operacioni ushtarak, një qëndrim që Shtetet e Bashkuara ndonjëherë e shprehin, megjithëse ka luhatur”, u tha Macron gazetarëve gjatë vizitës së tij në Korenë e Jugut.
Sipas tij lufta që po zhvillohet në Lindjen e Mesme nuk ofron një zgjidhje afatgjatë për çështjen e programit bërthamor Iranian.
Sa i përket deklaratës së Trump për marrëdhënien me gruan e tij, ai tha se këto komente nuk janë as të sjellshme dhe as të denja për këtë nivel.
Trump në një aktivitet në Shtëpinë e Bardhë tha se Macron keqtrajtohet nga gruaja e tij dhe se ende e kujton shuplakën që i dha ajo.
Presidenti amerikan po i referohej videos së majit 2025, në të cilën Brigitte Macron dukej duke e qëlluar presidentin francez pak para se të zbrisnin nga avioni presidencial në Vietnam.
Kryeministri britanik Sir Keir Starmer ka akuzuar miliarderin e teknologjisë Elon Musk se po përpiqet…
Ish deputeti i PD, Edmond Spaho ka reaguar ashpër për protestën kundër investimit në Zvërnec,…
Presidenti serb Aleksandar Vuçiç ka konfirmuar se do të marrë pjesë në samitin BE–Ballkani Perëndimor…
Katy Perry do të jetë njëra prej këngëtareve kryesore që do të përformojë në Festivalin…
Një efektiv i Policisë së Shtetit u vra dhe një tjetër u plagos gjatë një…
Autori i vrasjes së një polici dhe plagosjes së një efektivi tjetër mëngjesin e sotëm…