Klientit i ikën mendja pas sherrit me stafin, futet me Audi në hotelin luksoz

Një klient i zemëruar i një hoteli në Shangai e  humbi plotësisht durimin mëngjesin e 10 janarit dhe u fut me Audin A5 të tij në hotelin luksoz.

Videoja e incidentit u bë virale në platformën kineze të mediave sociale Weibo, me shumicën e pamjeve të marra nga celularët e të pranishmëve në vendngjarje.

Pasi automjeti ndalon buzë hollit, disa persona kanë tentuar të largojnë shoferin nga makina.

Por me dyert e mbyllura dhe çatinë e makinës të mbyllur, ata nuk mundën të hynin dhe shoferi eci mbrapsht me  makinë në përpjekje për të dalë nga holli por u bllokua në derën kryesore.

Fatmirësisht nga ngjarja nuk kishte  persona të lënduar, por në video mund të shihen njerëz që tentojnë të ikin nga makina teksa ajo lëviz rreth hyrjes madhështore të hotelit.

Policia tha se shoferi, një 28-vjeçar i identifikuar vetëm si Chen, ishte arrestuar.

Arsyeja?

Shoferi ishte përfshirë në një debat me stafin e hotelit pak para incidentit.

Debati ishte për laptopin e tij të humbur, i cili më vonë u gjet jashtë hotelit.

Ndonëse është e paqartë se me çfarë pasojash përballet shoferi për veprimet e tij, duket se ato do të jenë të rënda pasi të paktën ai i shkaktoi dëme të mëdha hotelit dhe në rastin më të keq, rrezikoi jetën e shumë njerëzve.